वि.सं. २०३३ साउन २८ गते पिता विष्णुप्रसाद र माता हेममायाका सुपुत्रका रुपमा पनौती ७ मा जन्मिनुभएका सूर्यप्रसाद लाकोजू सक्रिय युवा लेखक हुनुहुन्छ । उहाँको कोपिला बालकवितासङ्ग्रह र योमरी सचित्र बालतथ्यपुस्तक गरी दुई बालकृतिहरु प्रकाशित छन् । तातेताते रंगीन बालकविता सङ्ग्रह बालसाहित्यतर्फ उहाँको तेस्रो पाइला हो । यो रंगीन बालपुस्तक बुकआर्ट नेपालबाट यहीँ महिना प्रकाशित हुँदैछ । नेपाली साहित्यमा उहाँका कविता, मुक्तक, हाइकु, संस्मरण, संस्कृति र जीवनी गरी एक दर्जन बढी कृतिहरु प्रकाशित छन् ।
