नीलो ज्याकेटमा सजिएकी छोरी
रातो रीवन बाटीएकी छोरी
आँखामा गाजल लेपिएकी छोरी
ओठ फुटेपनि त्यत्तिकै राम्री छोरी
सेतो फ्रक औधी सुहाएकी
कालो जुत्ता टल्केको लगाएकी
भर्खर नाक आफै धोएकी
स्कूल जान्छु भनी चाँडै टम्सेकी
रंगी विरंगी क्लीप लगाउँकी
इन्द्रेणि फ्रकमा बुरुक्क उफ्रेकी
हसाँउन उल्टो जुत्ता लगाएकी
घुम्न जानको लागी अगाडी लम्केकी
सफासुग्घर मनपराउने छोरी
नाचगाँनमा संधै रमाउने छोरी
होमवोर्क आफै सकाउने छोरी
घरलाई स्वर्ग बनाउने छोरी
