Interview

कविता पराजुली सक्रिय साहित्यकार हुनुहुन्छ । उहाँको ‘कविताका कविता’ कवितासङ्ग्रह, ‘निदरी’ र ‘हजुरआमा’ बालकवितासङ्ग्रह गरी तीन कृतिहरु प्रकाशित छन् ।
नेपाली साहित्यमा उहाँका निबन्ध र कथाहरु फुटकर रुपमा प्रकाशित छन् । पन्त स्मृति प्रतिष्ठानका आजीवन सदस्य कविता नारी लेखकहरुको संगठन गुञ्जनमा पनि सदस्य हुनुहुन्छ । लेखक कविता पराजुली लिखित दुईवटा बालकविताकृतिहरु भोलि २०७६ असार २७ गते एक समारोहबीच नेपाल प्रज्ञा–प्रतिष्ठान, कमलादी, काठमाडौँको प्रवचन हल नं. १ मा वरिष्ठ बालसाहित्य लेखक विजय चालिसेज्यूले विमोचन गर्दैै हुनुहुन्छ । यसअघि कविताका कविता कविता सङ्ग्रह प्रकाशन गरिसक्नुभएकी पराजुली बालसाहित्य लेखनमा आउनु खुसीको कुरा हो । यस पटकको ३ प्रश्नमा हामीले लेखक पराजुलीको बालसाहित्य लेखन सम्बन्धी विचारहरु र भोलि विमोचन हुने उहाँका २ कृतिहरुबारे कुराकानी गरेका छौँ ।

डा. ऋषिराम शर्मा वि.सं. २०१७ जेष्ठमा मुसिकोट न.पा. ५ आपचौर, गुल्मी, प्रदेश नं. ५ मा जन्मनुभएको हो । पिता पं. दुर्गादत्त अर्याल र माता टोपला अर्यालका सुपुत्र शर्माले त्रिभुवन विश्वविद्यालयबाट विद्यावारिधि गर्नुभएको छ । हाल उहाँ त्रिभुवन विश्वविद्यालय, महेन्द्र रत्न क्याम्पस ताहाचलमा नेपाली विषय पढाउनु हुन्छ । उहाँले लेखन तथा सम्पादन गर्नुभएका कृतिहरु आधुनिक नेपाली निबन्धमाला, माध्यमिक नेपाली निबन्धमाला, वर्णहरूको कथा र व्यथा (बालकथा), रतन्धो फुर्के   (२०६५, बालकथा), किताबको कुराकानी (२०६५, बालकथा), सुगाको जन्मदिन (२०६२, बालकथा), नेपाली रस परिचय (२०७०), नेपाली अलङ्कार विमर्श (२०७०), नेपाली वक्रोक्ति परिचय (२०७१),
गणितमानका दस छोरीहरू (२०७२, बालकथा), भैरव अर्यालका निवन्धमा वर्णवक्रता (२०७३), कमिलाको सहर भ्रमण (२०७४, बालकथा), बालसाहित्य समालोचना (२०७५) र पूर्वीय साहित्यशास्त्रीय प्रायोगिक नेपाली समालोचना (२०७३) आदि हुन् ।
      रुकुम, डोल्पा, हुम्ला र काभ्रेपलाञ्चोक जिल्लाका विद्यालयहरुमा लामो समय अध्यापन अनुभव बटुल्नुभएका शर्मा बालसाहित्य लेखन र समालोचनाका क्षेत्रमा क्रियाशील सर्जक हुनुहुन्छ । नेपाली बालसाहित्यका क्षेत्रमा गम्भीर समालोचना नभइरहेको वर्तमान अवस्थामा यस क्षेत्रमा काम गर्ने उत्साहका साथ अग्रसर हुनुभएका विद्घान् सहप्राध्यापक डा. ऋषिराम शर्मासँग ‘केटाकेटी अनलाइनको ३ प्रश्न’ स्तम्भका लागि सम्पादक कार्तिकेयले गर्नु भएको कुराकानी यहाँ प्रस्तुत गरिएको छ ।

बालबालिका माझ पुग्नुपर्छ । उनीहरुका भावना बुझेर संवाद र अन्तरक्रिया गर्नुपर्छ । उनीहरुलाई उपदेश दिने होइन मनोरञ्जन दिनुपर्छ, ताकि मनोरञ्जनबाटै शिक्षाप्राप्त गरुन् । आजकालका बालबालिका अर्ति, उपदेशलाई बोझको रुपमा लिन्छन् ।

मेरो पछिल्लो सन्तोषजनक पुस्तक भनेको यार्चा हो । यसलाई धेरै बाल पाठकहरूले सर्जकहरूले मनपराउनु भयो ।

साहित्यकार नवीनचन्द्र घिमिरेको जन्म वि.सं. २०३२ भाद्र ३१ गते लमजुङ भोर्लेटारमा भएको हो । उहाँको पहिलो रचना ‘मेरो बालअनुभूति’ शीर्षकको लेख वि.सं. २०४८ सालमा ‘विमोचन’ पत्रिकामा प्रकाशित भएको थियो । उहाँको पहिलो प्रकाशित कृति 'यात्रा बराहपोखरीकोः सन्दर्भ पर्यटन साहित्यको' (नियात्रा, २०६७) हो । उहाँका हालसम्म ३ वटा कृतिहरु प्रकाशित भएका छन् । लेखक र बालअधिकारकर्मीका रुपमा समेत परिचित घिमिरेसँग केटाकेटी अनलाइन पत्रिकाको यस पटकको ३ प्रश्नमा कुराकानी गरिएको छ ।

वास्तवमा पढ्नु आवश्यक छ किनभने पढाइले मान्छेको चेतना स्तर बढाइदिन्छ । कोर्सका बाहेकका पुस्तक पढ्नाले बालबालिकाको ज्ञानको क्षितिज फराकिलो बनाइदिन्छ । पढ्ने विद्यार्थीको चेतनाको स्तर औसत विद्यार्थीको भन्दा माथि हुन्छ । किताबमा सूचना हुन्छन् । सूचना भनेको ज्ञानको स्रोत हो । ज्ञान भनेको शक्ति हो । यसले आन्तरिक शक्ति बढाउँछ । आन्तरिक शक्तिले आत्मविश्वास बढाउँछ । आत्मविश्वासको बलले असल र सफल मान्छे बन्न सकिन्छ ।

साहित्यकार ललिता ‘दोषी’ को कामकाजी नाम ललिता (गजुरेल) खरेल हो । उहाँ वि.सं. २०२५ कार्तिक १६ गते इमाडोल ललितपुरमा जन्मनु भएको हो । उहाँको पहिलो रचना वि.सं. २०४१ सालका ‘शुभकामना’ शीर्षकको कविता श्रुति पत्रिकामा प्रकाशित भएको   थियो ।  उहाँको पहिलो प्रकाशित कृति प्रेमको परिभाषा (कथा संग्रह, २०५६) हो । उहाँका हालसम्म २७ वटा कृतिहरु प्रकाशित भएका छन् ।
केटाकेटी अनलाइन पत्रिकाको यस पटकको ३ प्रश्नमा यिनै वरिष्ठ लेखक ललिता दोषीसँग कुराकानी गरिएको छ ।