होलिभिजन स्कूल, ताहाचल, काठमाडौँमा बालपुस्तकहरुको प्रदर्शनी र लेखक कार्तिकेयसँग पुस्तक हस्ताक्षर र छलफल कार्यक्रम गत शनिवार सम्पन्न भयो । बुकआर्ट नेपाल र बुकजोनले उक्त अवसरमा बालसाहित्यका ३ सय बढी नेपाली तथा अंग्रेजी बालपुस्तकहरु प्रदर्शनीमा उपलब्ध गराएका थिए । सो अवसरमा बालबालिकाहरुले बुकआर्ट बालसाहित्य शृङ्खला अन्तर्गत् प्रकाशित ४३ वटा बालकृतिका लेखक/सम्पादक कार्तिकेयसँग पुस्तक हस्ताक्षर र अन्तरक्रिया गरेका थिए । पुस्तक प्रदर्शनीमा सहभागी बालबालिकाहरुमध्ये साना बालबालिकाहरुले बालसाहित्य लेखकहरु कार्तिकेय लिखित बालचित्रकथाकृतिहरु आमा पपी छुट्यो, नयन हरायो र म चोर होइन, डा. शैलेन्दुप्रकाश नेपाल लिखित जूनलाई चुम्ने इच्छा, के.बी. सिम्पल लिखित लच्छिनको दाँत, सूर्यप्रसाद लाकोजू लिखित साथी, सुशीला देउजा लिखित बाघ र बाबा, क्षेत्रप्रताप अधिकारी लिखित नानी, बाबु र अरु कविताहरु, पासाङल्हामु शेर्पा र अरु कविताहरु, दुर्गालाल श्रेष्ठ लिखित फुल्न बाँकी छ, नमस्कार आमा, विनय कसजू लिखित टिउराको सपना, कविता पराजुली लिखित निदरी, हजुरआमा लगायत कृतिहरु अत्यन्त मन पराएका थिए ।

बालसाहित्य लेखक एवम् पत्रकार श्रीराम राई र बालसाहित्य लेखक तारा केसी पुरस्कृत/सम्मानित हुनुभएको छ । लेखक राईले इडन ब्रिज एकेडेमी बालसाहित्य/पत्रकारिता सम्मान पाउनुभएको छ । बालसाहित्य लेखन र बालपत्रकारिताको माध्यमबाट नेपाली साहित्यको बृद्धिमा पुर्याएको योगदानको कदर स्वरुप उहाँलाई यो सम्मान प्रदान गरिएको काठमाडौं टोखा नगरपालिका–४ धापासीस्थित इडन ब्रिज एकेडेमीले जनाएको छ ।

बालसाहित्य प्रतिष्ठान नेपालको विद्यालयका बालबालिकासँग लेखक मासिक कार्यक्रम अन्तर्गत् यस महिना बालसाहित्य लेखक कविता पराजुलीसँग बाल व्यवसायी केन्द्र मावि, सिफलचौर, काठमाडौँमा अध्ययनरत ४५ जना बालबालिकाहरुले अन्तरक्रिया गर्नुभयो । 

कार्तिकेय ट्रष्टका संस्थापक अध्यक्ष तथा संरक्षक मोहन कार्कीको सभापतित्वमा गत भाद्र २२ गते आइतबार सम्पन्न समारोहमा कार्तिकेय बालप्रतिभा पुरस्कार बालवैज्ञानिक निश्चल पौडेललाई प्रदान गरियो । निश्चल नवजीवन मावि, जुटपानी सर्लाहीमा कक्षा १० मा अध्ययनरत हरिवन नगरपालिका ४, सासापुर, सर्लाहीका विलक्षण बालप्रतिभा हुन् । आफूलाई सानैदेखि विज्ञानमा   रुचि रहेको बताउने निश्चलले कवाडीमा फालिएका सरसामानहरु जुटाएर पाँचवटा ड्रोन, ब्याट्रीबाट चल्ने साइकल र मौसमको अवस्थाबारे जानकारी दिने उपकरण लगायत वैज्ञानिक उपकरणहरु बनाएर सबैको स्याबासी पाएका छन् ।

वाङ्मय शताब्दी पुरुष सत्यमोहन जोशीले आगामी भदौ २२ गते विलक्षण बालप्रतिभाहरु र वरिष्ठ लेखकहरुलाई पुरस्कृत र सम्मानित गर्नुहुने भएको छ । कार्तिकेय ट्रष्ट नेपालबाट आयोजना हुने यस कार्यक्रम ट्रष्टका संस्थापक अध्यक्ष वरिष्ठ शिक्षासेवी मोहन कार्कीको सभापतित्वमा सम्पन्न हुनेछ ।

कार्तिकेय ट्रस्टका संस्थापक अध्यक्ष वरिष्ठ शिक्षासेवी मोहन कार्कीको अध्यक्षतामा सोमवार बसेको बैठकले यस वर्षको कार्तिकेय बालप्रतिभा पुरस्कार बालवैज्ञानिक निश्चल पौडेललाई प्रदान गर्ने निर्णय गरेको छ । 

हामी हरेक वर्ष भाद्रकृष्ण औँसीलाई पितृदिवसका रुपमा पिता (बाबु) को मुख हेर्ने दिन अर्थात् फादर्स डे का रुपमा मनाउँछौँ । यस पटक हामीले १०० वर्ष पुग्नुभएका हाम्रा आदरणीय कवि, नेपाल राष्ट्रकै पिताजी राष्ट्रकवि माधवप्रसाद घिमिरले आफ्ना पिताजी गौरीशंकर शर्मा घिमिरेका बारेमा गर्नुभएको सम्झना प्रस्तुत गरेका छौँ ।

आगामी भाद्र १३ गते पिता सम्मान दिवस (पितृदिवस) को दिन हो । अब ४ दिनपछि यो दिवस रहेको छ । भाइबहिनीहरु, त्यो दिन तिमीहरुले पनि आफ्ना पिताजीलाई मिठामिठा खानेकुरा दिएर, माया गरेर यो दिवस मनाउनू है !

 बिहानी भो आँगनीमा आऊ है जुरेली

 मीठा–मीठा फलफूल  खाऊ है जुरेली

दशै विदामा म मामाघर गएको थिएँ । मसँग मामाले दिनुभएको पैसा थियो । म बिहान सुटुक्क बजार गएँ ।
म मामा घरबाट पहिलो पटक एक्लै बजार गएँ । मामाघरबाट बजार पनि टाढा पो रहेछ ।
मैले पसलमा मलाई मन परेको खेलौना किनेँ ।
खेलौना बोकेर म मामाघर फर्कँदै थिएँ । दोबाटोमा आईपुगेँ । “लौजा, घर जाने बाटै पो बिर्सेछु । कुन बाटो जाँदा घर पुगिन्छ होला ?” म विचार गर्न लागेँ ।
“बाबू तिमीले बाटो भुले जस्तो छ ।” कसैले भन्यो । मैले यताउता हेरेँ । त्यहाँ कोही देखिन । यहाँ नजिक त कोही छैन । म छक्क परेँ ।

काठमाडौँ, असार २९/ किताब क्याफे, बसुन्धरा, काठमाडौँमा लेखकसँग साक्षात्कार कार्यक्रममा गत शनिवार २८ गते बालसाहित्य लेखक कार्तिकेयले कथावाचन गर्नुभयो । कार्यक्रममा बालसाहित्य लेखक ललिता शर्मा (बाँके, नेपालगन्ज) र आश्मा अर्यालले लेखकलाई रचनावाचन र उद्घोषणमा सघाउनुभएको थियो ।