Poem

Children Poems

बोकेर हिंडेको छु सबै आशै आशा - भगवती पौडेल

Sep
01

बोकेर हिंडेको छु सबै आशै आशा
छैनन् मनमा केही निराशा
जीवन सँधै नै कहाँ हुन्छ धुम्म
लागेर घाम पनि होला छङ्

ढुङ्गाहरूको अक्करमा थिएँ
ठोक्किएर नै भए पनि जिएँ
जीवन जिउनु नै सौभाग्य सम्झें
गर्नु धेरै छ भन्दै ब्यूँझें

रोगहरूलाई पनि खाइदिन्छु
काँडाहरूलाई पनि पन्छाइदिन्छु
दुःख जति छन् सबै बिर्सि दिन्छु
दुःखहरूले नै सुख किनिदिन्छु

ढल्क्यो भने यो उमेर बिर्सिदिन्छु
मन नै सबै हो फेरि फुलिदिन्छु
यो मन बनाउँने प्रकृति तिमीलाई
स्वागत म गर्छु मिठो गीत गाई ।।

Posted By ketaketionline read more

Pages

Subscribe to RSS - Poem