चुँ चुँ गर्दै कुनोतिर मुसो करायो

rat-jpg

रञ्जुश्री पराजुली
चुँ चुँ गर्दै कुनोतिर मुसो करायो
बिरालोको म्याउँले कता लघार्यो
आँगनीमा हाऊ हाऊ गर्दै पाङ्ग्रे भुक्यो
चर्को घाममा सुकाएको टोपी सुक्यो ।।

प्रातः काले सिरसिर बतास मनै रमाइलो
भित्र बाहिर चारैतिर धेरै घमाइलो
कोइलीको को हो ... को हो मनै खुशी भो
चरी आवाज वरपर धेरै गुञ्जियो ।।

पल्लो घरको गोठबाट बाँ बाँ करायो
बुबु दुहुने बेला भो भनी सम्झायो
स्कुलको गृहकार्य पनि सकियो
खना खान आऊ भन्ने पनि सुनियो

कापि कलम सम्हालेर जतन गर्छु म
सफा सुग्घर भएर जुत्ता लाउँछु म
आमालाई ढोगेर स्कुलतिर लाग्छु
स्कुलमा आफ्नो पाठ ध्यान दिई पढ्छु ।।

Literature: 
Language: