एसओएस हर्मन माइनर विद्यालय काभ्रेमा खेल सप्ताहको कार्यक्रम भव्य रूपले उद्घाटन भयाे । उक्त कार्यक्रमको उद्घाटन पनौती नगरपालिकाका मेयर रामशरण भण्डारीले गर्नुभयो । खेलप्रेमी विद्यार्थीलाई हौसला थप्दै भण्डारीले राष्ट्रलाई माया गर्नुहोस् , नैतिकवान् बन्नुहोस्, अनुशासित बन्नुहोस् भन्नुभयाे ।
सोमबारसम्म चल्ने उक्त कार्यक्रममा पूर्व प्राथमिक तहदेखि माध्यमिक तहसम्मका विद्यार्थीहरु बीचमा आन्तरिक प्रतिस्पर्धा हुनेछ । उक्त कार्यक्रममा फुटबल, भलिबल, खोखो, बुद्धिचाल लगायतका चौधवटा विधाअन्तर्गतका खेल खेलिनेछन् । खेल उत्सवभरमा ७ सय ५५ बढी विद्यार्थीले मेडल तथा प्रमाणपत्र प्राप्त गर्ने विद्यालयले जनाएको छ ।
