Category: स्वास्थ्य

डेंगी रोग एडीस जातको संक्रमित लामखुट्टेको टोकाइबाट सर्ने रोग हो । एडीस जातका लामखुट्टेले प्रायः गरेर दिनमा टोक्दछन् । विशेष गरी साँझ र बिहान यो लामखुट्टे बढी सक्रिय हुने हुनाले सो समयमा बढी होशियार हुनुपर्छ ।

आँखाको देख्ने शक्तिलाई सधै स्वस्थ र तन्दुरुस्त राख्न र शरीरलाई विभिन्न प्रकारका संक्रामक रोगहरूबाट बचाई राख्न भिटामिन ‘ए’ आवश्यक पर्दछ । यो मानिसको शारीरिक र मानसिक विकासका लागि नभई नहुने तत्व हो । भिटामिन ‘ए’ को कमीले गर्दा नेपालमा प्रतिदिन एकजना बालबालिका अन्धो हुने गरेको कुरा पत्ता
लागेको छ ।
भिटामिन ‘ए’ केबाट पाइन्छ ?
भिटामिन ‘ए; का जम्मा दुईवटा स्रोत छन् : जनावर र वनस्पति ।

मानिसको शरीरलाई शक्ति प्रदान गर्न, शारीरिक तथा मानसिक वृद्धि र विकास गर्न र रोग विरुद्ध लड्ने क्षमता वृद्धि गर्नका लागि पोषक तत्वहरु अति आवश्यक छन् । शरीरलाई आवश्यक पर्ने पौष्टिक तत्वहरु निम्नानुसार छन् जुन हामीले खाने कुराबाट प्राप्त गर्दछौ ।
१. काबर्बोहाइड्रेट २. प्रोटिन ३. खनिज पदार्थ ४. चिल्लो पदार्थ ५. भिटामिन र पानी ।
मानिसहरुले स्वस्थ रहन सन्तुलित आहार खाने र प्रशस्त मात्रामा पानी पिउने गर्नु पर्दछ ।

मानिसलाई जुका लाग्नु भनेको उसको शरीरमा परजीवी पसेर पेटमा जुका लाग्नु हो । मानिसलाई परजीवीबाट हुने रोगहरुमध्ये जुका नै सबैभन्दा धेरै लाग्ने रोग हो । यो रोग जुनसुकै उमेरका मानिसलाई लाग्ने रोग हो । यो रोग विशेष गरी बच्चाहरुलाई बढी लाग्ने भएकोले बच्चाको सरसफाईमा विशेष ध्यान दिनु पर्दछ ।

बच्चा जन्मिएपछि खोप तालिका बमोजिम तोकिएका खोपको सबै र पूरा मात्रा लगाएमा बालबालिकालाई सरुवा रोगहरुसँग लड्ने क्षमता प्राप्त हुन्छ ।
यसरी तोकिएका खोपको पूरा मात्रा लगाएमा यसले बालबालिकामा दीर्घकालीन रुपमा हुन सक्ने विभिन्न संक्रामक रोगको संक्रमण, अपाङ्गता र मृत्यु दरलाई कम गर्दछ ।

हाल विश्वभरि फैलिरहेका नयाँ भाइरसको संक्रमणबाट लागेको रोगलाई विश्व स्वास्थ्य संगठनले “कोभिड–१९” को नाम दिएको छ र यसलाई विश्वव्यापी महामारीको रुपमा घोषणा गरिसकिएको छ ।
कोरोना भाइरस श्वाशप्रश्वासको माध्यमबाट सर्ने रोग हो । यो संक्रमित व्यक्तिले खोक्दा वा हाछ्यूँ गर्दा नाक वा मुखबाट निस्कने छिट्टाको माध्यमबाट एक व्यक्तिबाट अर्को व्यक्तिमा सर्दछ ।