Category: विद्यालय समाचार

आजबाट सुरु भएको १५ औँ बालनाटक महोत्सवको उद्घाटन समारोहमा बालसाहित्य रत्न शान्तदासको स्मृतिमा स्थापित शान्तदास स्मृति सम्मान २०८० बाट भक्तपुर इङ्लिस स्कुल, भक्तपुरका प्राचार्य शिक्षासेवी भक्त राजभण्डारीलाई सम्मानित गरिएको छ ।
विगत चार दशकभन्दा लामो समयदेखि शिक्षा सेवाका क्षेत्रमा संलग्न वरिष्ठ शिक्षासेवी राजभण्डारीले विद्यालयको स्थापना समयदेखि नै शान्तदास मानन्धरको लेखनमा

रिजेन्ट आवासीय स्कुलमा अन्तरविद्यालय रोबोटिक्स प्रतियोगिता आजबाट सुरु भएको छ । २७ गते शनिवार विद्यार्थीहरुले तयार गर्नुभएका उपकरणहरुको प्रदर्शनी र प्रतियोगिताको नतिजा घोषणा गरिने आयोजक विद्यालय रिजेन्ट स्कुलका प्रिन्सिपल नवराज सन्जेलले बताउनुभएको छ ।
कुरुक्षेत्र अन्तरविद्यालय रोबोटिक्स प्रतियोगिता नामक यस प्रतियोगितामा १५ वटा विद्यालका बालबालिकाहरुले भाग लिनुभएको छ ।

केटाकेटी अनलाइन बालपत्रिकाको ‘पुस्तक दान महादान’ अभियानका लागि आदरणीय बालसाहित्य लेखक एवम् समाजसेवी कविता पराजुलीले केटाकेटी अनलाइन बालपत्रिकालाई रु. एक लाखको बालपुस्तक दान गर्नुभएको छ । लेखक पराजुलीले रचना गर्नुभएका उत्कृष्ट ११ बालकथाहरु समावेश रहेको भ्यागुताको योग कृतिको नेपाली र अंग्रेजी संस्करण गरी ३७५ प्रति पुस्तक उहाँँले यस अभियान सफल बनाउनका लागि दान गर्नुभएको छ ।

रिजेन्ट आवासीय मावि, ललितपुर–२३, धापाखेलमा बालबालिकाको शिक्षण सुधारका लागि विद्यार्थीको सरोकारका विभिन्न विषयमा छलफल गरी तेश्रो अभिभावक शिक्षा कार्यक्रम सम्पन्न भएको छ ।
आर्ट अफ ज्वाएफुल प्यारेन्टिङ नामक यस कार्यक्रममा प्राथमिक र माध्यमिक तहका विद्यार्थीका लागि छुट्टाछुट्टै हलमा आयोजित कार्यक्रमलाई प्रतीक्षा गौतम र सुशील उप्रेतीले सहजीकरण गर्नु भएको थियो ।

 पछिल्लो समय बालबालिकाको सिकाइको स्तर खस्कँदै गएको पाइएको छ । साना कक्षाको तुलनामा माथिल्ला कक्षामा सिकाइको स्तर कमजोर देखिएको छ । शैक्षिक गुणस्तर परीक्षण केन्द्रबाट भएका हालसम्मका अधिकांश अध्ययन प्रतिवेदनले तल्ला कक्षाका तुलनामा माथिल्ला कक्षाका उपलब्धि झन् कमजोर रहेको देखाएको हो । अध्ययनले विद्यालय तहका विद्यार्थीको समग्र सिकाइ उपलब्धि चिन्ताजनक देखाएको छ ।

सामुदायिक विद्यालयमा अध्ययनसँगै कृषि कर्ममा लगाउने कार्यक्रम प्रभावकारी हुँदै गएको छ । यस्तो कार्यले एकातिर विद्यार्थीमा व्यवहारिक ज्ञान हासिल हुँदै गएको छ भने अर्कोतिर पढाई खर्च पनि आफैं जुटाउन सहज भएको छ । केही पहाडी तथा तराईका जिल्लामा अध्ययन र कृषि कर्मलाई विद्यार्थीले सँगसँगै अघि बढाएका छन् । पाल्पाको रामपुरमा रहेको एक सामुदायिक विद्यालका कक्षा ९ देखि कक्षा १२ सम्म अध्ययनरत ५८ जना विद्यार्थीले पढाईसँगै तरकारी खेति गरेर कमाई समेत गरिरहेका छन् ।

किशोर किशोरीसँग पुस्तक चर्चा कार्यक्रम श्रृङ्खला दुई अन्तरगत फिनिक्स स्कुल सानेपाले विजय सापकोटाद्वारा लिखित ‘उडान’ (किशोर उपन्यास) माथि परिचर्चा कार्यक्रम आयोजना गरेको छ । यस कार्यक्रममा सोही विद्यालयका कक्षा ९ मा अध्ययनरत २० जना विद्यार्थी सहभागी हुनुभएको थियो । सहभागी विद्यार्थीले पुस्तकको विषय, मन परेको पात्र, यस पुस्तकबाट आफूले पाएको सन्देश समेटेर आफ्नो पठन अनुभव प्रस्तुत गर्नुभएको थियो ।

किशोर लक्षित उपन्यास ‘उज्यालोको रङ’ माथि फिनिक्स स्कुल सानेपामा लेखकसँग अन्तरक्रिया कार्यक्रम सम्पन्न भएको छ । उक्त स्कुलमा अध्ययनरत कक्षा ८ का विद्यार्थी र लेखक जानुका खतिवडाबिच अन्तरक्रिया भएको हो ।
कार्यक्रममा विद्यार्थीहरुले किताबको विषयवस्तु ,पात्र, मनपर्ने अंश, भाषाशैली आदिबारे पठन अनुभव प्रस्तुत गर्नुका साथै आफूहरुले परियोजना कार्यका रुपमा तयार पारेका विभिन्न नमुनाहरु प्रस्तुत गर्नुभएकाे थियाे । लेखक जानुका खतिवडाले विद्यार्थीहरुले राखेका जिज्ञासाको जवाफ दिनुका साथै आफ्नो लेखन अनुभव पनि सुनाउनुभएकाे थियाे ।

रिजेन्ट रेसिडेन्सियल स्कुल, ललितपुर–२३, धापाखेलमा विद्यालयका बालबालिकासँग लेखक(Meet the Author with School Children) कार्यक्रम अन्तर्गत आज अमेरिकी लेखक जुलीसँग भेटघाट कार्यक्रम सम्पन्न भयो । कार्यक्रममा अमेरिकी लेखक जुलीको पहिलो प्रकाशित कृति ‘साथी’ बारे चर्चा गरिएको थियो ।
विद्यालयका प्रिन्सिपल नवराज सञ्जेलको सभापतित्वमा सम्पन्न कार्यक्रममा चर्चित बालनियात्राकृति ‘सम्पदा दर्शन’ का लेखक सुशीला देउजाले विशेष अतिथिका रूपमा बोल्दै ‘सम्पदा दर्शन’ कृतिलाई अत्यन्त मन पराइदिनुभएकोमा पाठकहरुलाई धन्यवाद व्यक्त गर्नु भएको थियो ।