Category: समाचार

काठमाडौं, २०७८ पुस ०३/ विशिष्ट आख्यानकार रमेश विकलको १४ औं स्मृति सभाका अवसरमा आज राजधानीमा स्रष्टाहरूलाई  पुरस्कृत गरिएको छ ।
रमेश विकल साहित्य प्रतिष्ठानले गरेको कार्यक्रममा प्रमुख अतिथि वरिष्ठ पत्रकार भैरव रिसालले साहित्य सहित विविध क्षेत्रमा योगदान दिने स्रष्टाहरूलाई पुरस्कृत गर्नु भएको हो ।

विद्यालय परिसरमा हरियाली साग, लटरम्म गोलभेडा, स्याउ, आरु, अलैचीका बोट लहलह देखेपछि शिक्षा तथा विज्ञान प्रविधि मन्त्री अचम्भित हुनुभयो ।
काठमाडौको बूढानिलकण्ठस्थित बूढानिलकण्ठ स्कुलको निरीक्षण गर्न पुग्नुभएका शिक्षामन्त्री पौडेल विद्यालयको व्यवस्थापन र विद्यार्थीको जाँगर देखेर प्रभावित हुनु भएको हो । शिक्षामन्त्री पौडेलले सो विद्यालयका विद्यार्थीले पाइरहेको गुणस्तरीय र व्यावहारिक शिक्षाको स्थितिबारे जानकारी लिनुभएको हो । विद्यालयमा पुग्दा आफूलाई कुनै कृषि फार्म पुगेको जस्तो महसुस भएको उहाँले बताउनु भयो ।

टीकापुर नगरपालिकालाई क्षयरोग मुक्त नगरपालिका बनाउने अभियान सुरु गरिएको छ । सरकारले टीकापुरसहित देशभरका २२ पालिकालाई क्षयरोग मुक्त पालिका बनाउन छनोट गरेको छ ।

कुपोषणका कारण पाकिस्तानमा १७ लाख सात हजारभन्दा बढी बालबालिकाको पाँच वर्ष पुग्नु अघि नै मृत्यु हुने गरेको छ ।

युरोपेली सङ्घ (इयू) को स्वास्थ्य निकायले सन् २०२२ को शुरु सम्ममा कोरोना भाइरसको ओमिक्रोन भेरियन्ट युरोपमा सबैभन्दा प्रभावशाली स्ट्रेन हुने भन्दै चेतावनी दिएको छ ।

अमेरिकी विज्ञहरुको प्यानलले कोरोना विरुद्ध प्रयोग हुँदै आएको जोनसन एण्ड जोनसन खोपको सट्टा फाइजर अथवा मोर्डना खोप दिने पक्षमा मतदान गरेका छन् ।

अमेरिका र युरोपेली मुलुकमा कोरोना भाइरसको संक्रमण पछिल्लो समय उच्च गतिमा बढेको छ । अमेरिका, बेलायत, फ्रान्स र जर्मनीमा संक्रमण दर उच्च रहेको छ ।

औषधि निर्माण कम्पनी फाइजरले विकास गरेको औषधि कोभिड–१९ को नयाँ भेरिएन्ट ओमिक्रोनविरुद्ध निकै प्रभावकारी देखिएको छ । कम्पनीले यसै साता एक विज्ञप्ति जारी गर्दै कोभिड विरुद्धको खाने औषधिले संक्रमणका कारण मृत्यु हुने तथा अस्पताल भर्ना हुनेको संख्यामा ८९ प्रतिशतले कमी ल्याउने दाबी गरेको छ । कम्पनीले २ हजार २ सय ५० जनामा गरिएको अध्ययनमा यस्तो नतिजा देखिएको जनाएको हो । यसले विश्वव्यापी रूपमा खोप लगाएका वा नलगाएका संक्रमितको जीवन जोगाउन उल्लेखनीय भूमिका निर्वाह गर्नेछ फाइजरका प्रमुख कार्यकारी अल्बर्ट बोउर्लाद्वारा जारी विज्ञप्तिमा उल्लेख छ ।
अमेरिकी औषधि नियामक निकाय खाद्य तथा औषधि प्रशासन (एफडीए) ले सो खाने औषधि सार्वजनिक प्रयोगका लागि अनुमति दिने विषयमा निर्णय लिने अपेक्षा गरिएको छ । यसबारे फाइजरले केही दिनअघि नै एफडीएमा निवेदन दिइसकेको जनाएको छ । अनुमति पाएको खण्डमा यो नै कोभिड–१९ विरुद्ध अमेरिकी निकायले अनुमति दिने पहिलो औषधिको चक्की बन्नेछ ।