मोरक्कोमा इनारमा खसेका ५ वर्षीय बालक उद्दार गरिँदै

अन्तर्राष्टिय समाचार

मोरक्कोमा ३२ मिटर लामो साँघुरो इनारमा खसेका ५ वर्षीय बालकको उद्दारको प्रयास जारी/बालकको सिसिटिभी क्यामेराबाट निगरानी/पाइपबाट पानी र अक्सिजन पुर्‍याइयो ।

मोरक्कोमा ३२ मिटर लामो साँघुरो इनारमा खसेका पाँच वर्षीय बालकको उद्दारको प्रयास जारी छ । मोरक्कोको उत्तरी पर्यटकीय गाउँ चिफचाउएनमा मंगलबार साँझ ती बालक इनारमा खसेका थिए । इनार साँघुरो भएकाले उद्दारकर्ताहरुले बालक खसेको इनार नजिकै त्यस्तै अर्को प्वाल बनाएर रायन नाम गरेका ती बालकसम्म पुग्ने प्रयास गरिरहेका छन् । उद्दार कार्यका लागि ५ वटा बुलडोजरको प्रयोग गरिएको स्थानीय अधिकारीहरुले जानकारी दिएका छन् ।

इनार खन्ने काम तीब्र गतिमा भइरहेको बताइएको छ । साँघुरो इनार बनाउनु पर्ने भएकाले काम केही ढिलो भएको बताइएको छ । बालकसम्म पुग्नका लागि बनाइएको नयाँ इनार १९ मिटर खनिसकिएको बताइएको छ । इनारमा खसेका बालकको सिसिटिभी क्यामेराबाट निगरानी गरिराखिएको छ । उनका लागि आवश्यक पानी र अक्सिन पाइप मार्फत् पठाइएको छ । बालकलाई उद्दार गर्ने वित्तिकै उपचारका लागि नजिकैको अस्पताल लैजानका लागि घटनास्थलमा हेलिकप्टर सहितको मेडिकल टोली तयारी अवस्थामा राखिएको छ ।

Leave a Reply

Your email address will not be published.