फागुन १ गतेदेखि विद्यालय खुल्ने भयाे

राष्ट्रिय विद्यालय समाचार समाचार

१२ वर्ष पूरा भएका बालबालिकालाई स्वास्थ्य मापदण्ड पालना गरेर नियमित कक्षामा सहभागी हुन दिने तथा १२ वर्षमुनिका बालबालिकालाई भने बार अनुसार आलोपालो कक्षामा सहभागी गराइने ।

आगामी फागुन १ गतेदेखि भौतिक रुपमा कक्षा संचालन गर्ने गरी शैक्षिक संस्था विद्यालय खुल्ला गरिने भएको छ । काठमाडौं  उपत्यकाका तीन प्रमुख जिल्ला अधिकारीको बैठकले फागुन १ गतेदेखि भौतिकरुपमा कक्षा सञ्चालन गर्न सकिने जनाएको हो । १२ वर्ष पूरा भएका बालबालिकालाई स्वास्थ्य मापदण्ड पालना गरेर नियमित कक्षामा सहभागी हुन दिने तथा १२ वर्षमुनिका बालबालिकालाई भने बार अनुसार आलोपालो कक्षामा सहभागी गराउने निर्णय गरेको छ ।

यसैगरी, डान्सबार, दोहोरी, नाचघर, क्बललगायत रात्रिकालीन व्यवसाय भने फागुन १ गतेदेखि राति १० बजे अगाडिसम्म मात्र सञ्चालन गर्न दिने निर्णय भएको छ । सबै नागरिकलाई अनिवार्य स्वास्थ्य मापदण्डको पालना गर्न समेत बैठकले आग्रह गरेको छ ।

पार्टी प्यालेसको हकमा भने पूर्ण क्षमताको ५० प्रतिशत अथवा १०० जना भन्दा बढी भेला हुन नपाउने गरी सञ्चालन गर्न पाइनेछ । बैठकले सबै प्रकारका आमसभा, जुलुस, भेला, सम्मेलन, जात्रा, महोत्सव, हाट बजार लगायत भीडभाड हुने कार्य गर्न नपाउने निर्णय गरेको छ ।

Leave a Reply

Your email address will not be published.