दक्षिण कोरियामा जन्म दर घट्यो

अन्तर्राष्टिय समाचार

दक्षिण कोरियामा जन्मदर घटेको छ । यसअघि ०.८४ प्रतिशत जन्मदर रहेकोमा अहिले घटेर ०.८१ भएको दक्षिण कोरियाको तथ्याङ्क कार्यालयले जनाएको छ । यो जन्मदर सन् १९७० पछिकै सवैभन्दा कम भएको पनि सरकारी अधिकारीहरुले जनाएका छन् । जन्मदर क्रमश घट्दै गइरहेको तथ्याङ्कमा देखिएको छ ।

सन् २०२१ भरीमा दक्षिण कोरियामा झण्डै दुई लाख ६० हजार ५ सय बालबालिका जन्मिएको सरकारी अधिकारीहरुले जानकारी दिएका छन् । ढिलो विवाह गर्ने र थोरै सन्तान जन्माउने प्रवृत्ति बढ्दै गएकोले जन्मदर पनि घट्दै गइरहेको विश्लेषण गरिएको छ । त्यसैगरी बालबालिकाको हेरचाह गरेर बस्ने महिलाहरुको सङ्ख्या पनि कम भएको उनीहरुको भनाई छ ।

सन् २०२१ मा झण्डै एक लाख ९२ हजार ५०० विवाह भएका छन् । अघिल्लो वर्षको तुलनामा यो सङ्ख्या ९.८ प्रतिशत हो ।

Leave a Reply

Your email address will not be published.