रुसको आक्रमणपछि दस लाख शरणार्थीले युक्रेन छोडे

अन्तर्राष्टिय समाचार

युक्रेनमा रुसको सैन्य कारबाही सुरु गरेको सात दिनको अवधिमा करिब दस लाख शरणार्थीले युक्रेन छोडेको संयुक्त राष्ट्र संघीय शरणार्थी एजेन्सी (UNHCR) ले जनाएको छ । आफ्नो ट्विटर ह्यान्डलमा UNHCR उच्चायुक्त फिलिपो ग्रान्डीले लेखेका छन् केवल सात दिनमा युक्रेनबाट छिमेकी देशहरूमा १० लाख शरणार्थीहरू पलायन बताउनु भएको छ ।  

रुसी राष्ट्रपति भ्लादिमिर पुटिनले युक्रेनको डोनबास क्षेत्रमा सैन्य कारबाही गर्न आदेश दिएको आठ दिन बितिसकेको छ। उनले युक्रेनका टुक्रिएका क्षेत्रहरू – डोनेट्स्क र लुहान्स्कको स्वतन्त्रतालाई मान्यता दिएपछि तनाव युद्धमा परिणत भएको छ । यसैबीच, संयुक्त राष्ट्र संघको महासभामा बुधबार भएको मतदानमा १ सय ४१ राष्ट्रले युक्रेनमा रुसको आक्रमणको निन्दा गरेका छन् भने पाँच राष्ट्रले समर्थन गरेका छन् ।

Leave a Reply

Your email address will not be published.