बालसाहित्य प्रतिष्ठान नेपालबाट लेखक एवम् कलाकार इन्दु पन्तको दुई वटा बालकृति प्रकाशित भएको छ ।
प्रकाशित कृतिहरुमा ‘लिली र बिली’ बालचित्रकथा र ‘मित्रता’ बालकविता सङ्ग्रह रहेका छन् । दुवै कृतिमा समावेश चित्रहरु लेखक एवम् कलाकार पन्तले नै बनाउनुभएको छ ।
यी कृतिको अध्ययनबाट बालबालिकामा वैज्ञानिक चेतनाकाे विकास र असल व्यक्तित्व निर्माणमा सहयोग पुग्ने विश्वास लिएको बालसाहित्य प्रतिष्ठान नेपालले बताएकाे छ ।
ठुलो आकारमा प्रकाशित ‘लिली र बिली’ को रु १५५ र मित्रता बालकविता कृतिको रु १३५ मूल्य रहेको छ ।
”यो बालसाहित्य प्रतिष्ठान नेपालकाे सहुलियत मूल्य हो । यही आकारका बजारमा उपलब्ध अन्य रंगिन किताबको मूल्य २oo रहने गरेको छ ।” वितरक केटाकेटी मिडियाले जनाएको छ । यी किताबहरु केटाकेटी मिडियाकाे कार्यालय कालाेपुल, सिफलचाैर, काठमाडाैँमा बिक्रीका लागि उपलब्ध छन् । केटाकेटी मिडियाकाे फाेन नम्बर ९८५६० ०३५३१ हाे ।
