Author: Ketaketi Online

वि.सं. २०११ वैशाख पूर्णिमाका दिन जन्मिनुभएका रामकाजी कोने सुपरिचित मुक्तककार हुनुहुन्छ । उहाँका ‘मुक्तक मेला’, ‘मुक्तक मन्त्र’ र ‘मुक्तक मोहिनी’ गरी तीनवटा मुक्तक सङ्ग्रह प्रकाशित छन् ।
उहाँको ‘मुक्तक मोह’ नामक मुक्तक सङ्ग्रह ब्रेललिपिमा प्रकाशित पहिलो मुक्तककार कृति हो ।
पेसाले पर्यटन व्यवसायी भए पनि लामो समयदेखि साहित्य र समाजसेवाका क्षेत्रमा सक्रिय सर्जक कोने नेपाल मुक्तक प्रतिष्ठान, पश्चिमाञ्चल विकास मञ्च र कोने कल्याण कोषका अध्यक्ष र नेपाल एसोसियसन अफ टुर एण्ड ट्राभल (नाटा) का पूर्व अध्यक्ष एवम् वर्तमान सल्लाहकार हुनुहुन्छ ।

कोभिड-१९ विरुद्ध दिइने लगातारको बुस्टर डोजले मानिसको रोग प्रतिरोधात्मक क्षमतामा गम्भीर असर गर्ने युरोपेली संघ अन्तर्गतको स्वास्थ्य सम्बन्धी नियामक निकायले चेतावनी दिएको छ । हरेक चार महिनामा बारम्बार दिइने बुस्टर डोजले रोग प्रतिरोध प्रणालीलाई कमजोर बनाउने युरोपेली मेडिकल नियामक निकायले जनाएको छ । लामो समयको अन्तरमा मात्रै बुस्टर डोज दिन विज्ञहरुले सुझाव दिएका छन् ।
ओमिक्रोनका कारण सङ्क्रमितको सङ्ख्या बढेपछि विभिन्न देशहरूले दोस्रो बुस्टर डोज दिने तयारी गरिरहेकै बेला युरोपेली युनियनको सुझाव सार्वजनिक भएको हो । यसै महिनाको सुरुमा इजरायलले ६० वर्षमाथिका बृद्धबद्धालाई दोस्रो बुस्टर डोज दिने तयारी गरेको छ । बेलायतले पनि कोभिड-१९ बाट नागरिकको रक्षा गर्न दोसो बुस्टर डोज दिने तयारी गरेको छ ।

विश्वभरि नै कोरोना भाइरसको संक्रमण व्यापक रुपमा बढेको छ । अमेरिका, युरोप र एसियाली मुलुकमा संक्रमण दर उच्च छ । अमेरिकामा पछिल्लो २४ घन्टामा मात्रै ७ लाखभन्दा बढी नयाँ संक्रमित थपिएका छन् । कोरोनाका कारण हुने मृत्युदर पनि विश्वमै अमेरिका नै उच्च रहेको छ । अमेरिकामा पछिल्लो २४ घन्टामा मात्रै २ हजारभन्दा बढी मानिसको मृत्यु भयो । यसै गरी अमेरिकापछि बढी प्रभावित मुलुक फ्रान्स रहेको छ । फ्रान्समा हिजो एकै दिनमा संक्रमित हुनेको संख्या ३ लाख ६१ हजारभन्दा बढी छ । युरोपमा बेलायत, इटाली, स्पेन र जर्मनीमा पनि संक्रमण दर उच्च गतिमा बढेको छ । इटाली र स्पेनमा दैनिक संक्रमण दर २ लाख नजिक पुगेको छ ।

मेक्सिकोका स्वास्थ्य अधिकारीहरुले पछिल्लो समय फैलिएको कोरोना भाइरसको ओमिक्रोन भेरियन्ट त्यति शक्तिशाली नरहेको जनाएका छन् । अधिकारीहरुले मेक्सिकोमा फैलिएको ओमिक्रोन भेरियन्ट यस अघिको डेल्टा भेरियन्ट भन्दा कम खतरनाक भएको पाइएको बताएका हुन् । उनीहरुले यो भेरियन्ट फैलिएको अवस्थाको अध्ययन गर्दा यस्तो पाइएको बताएका छन् । मेक्सिकोमा गरिएको परीक्षणका आधारमा यस्तो अवस्था पाइएको मेक्सिकोको स्वास्थ्य विभागका उपप्रमुख ह्युगो लोपेजले जनाएका हुन् । मेक्सिकोमा पनि पछिल्ला केही हप्तामा कोरोना भाइरसको ओमिक्रोन भेरियन्ट द्रूत गतिमा फैलिएको छ ।

कोरोना भाइरसको ओमिक्रोन भेरियन्टको सङ्क्रमण अन्यभन्दा तीव्र गतिमा बढ्ने अनुसन्धानले देखाएको छ । स्वास्थ्य तथा जनसङ्ख्या मन्त्रालयले गरेको नियमित पत्रकार सम्मेलनमा पाटन स्वास्थ्य विज्ञान प्रतिष्ठान र नेपाल स्वास्थ्य अनुसन्धान परिषद्मा आबद्ध रहनुभएका सङ्क्रामक रोग विशेषज्ञ प्रा डा. जनक कोइराला ओमिक्रोन भेरियन्ट (तेस्रो लहर)ले पहिले देखिएको भेरियन्टको तुलनामा धेरै मानिसलाई सङ्क्रमित बनाउने बताउनुभयो । उहाँका अनुसार ओमिक्रोन भेरियन्ट एक जनाबाट १० जनामा सङ्क्रमण सार्ने गर्दछ ।
सङ्क्रमणको पहिलो लहरले एक जनाबाट अर्को दुई जनालाई, दोस्रो लहरमा डेल्टा भाइरसले एक जनाबाट चारदेखि पाँच जनासम्म सङ्क्रमित बनाउने गर्दथ्यो”, उहाँले भन्नुभयो, “तर अहिले तेस्रो लहरको ओमिक्रोन भाइरसले एक जनाबाट १० जनालाई सङ्क्रमित गराउने गर्दछ । त्यसैले यो द्रूत गतिमा फैलिन्छ ।

चितवन, २९ पुस (रासस)/ कोरोनाको तेस्रो लहर सुरु हुँदा समेत अल्पसङ्ख्यक समुदायका रुपमा रहेको चेपाङ समुदाय खोप लगाएका छैनन् । जिल्लामा बसोबास गर्ने चेपाङ समुदायले खासै कोरोना विरुद्धको खोपमा चासो नदिने गरेको पाइएको छ । जिल्लाका सात पालिकामध्ये छ पालिकामा चेपाङ्ग समुदायको बसोबास छ । जिल्लाको इच्छाकामना गाउँपालिका तथा कालिका, राप्ती, खैरहनी, माडी नगरपालिका र भरतपुर महानगरपालिकामा चेपाङको बसोबास रहेको छ ।
त्यसमध्ये अहिलेसम्म छ हजार ३२७ अर्थात २१ दशमलव ८२ प्रतिशत चेपाङले कोरोना विरुद्धको खोप लगाएका छन् । जिल्लामा रहेका सात पालिकामध्ये राप्तीमा दुई हजार ७०० चेपाङले खोप लगाएका छन् ।

ब्याडमिन्टनमा इतिहास रचेर नेपालका प्रिन्स दाहाल विश्व ब्याडमिन्टनको जुनियरतर्फको बरियतामा शीर्ष स्थानमा उक्लिनुभएको छ । विश्व ब्याडमिन्टन महासङ्घले जारी गरेको पुरुष जुनियरतर्फको बरियताअनुसार १९ वर्षीय दाहाल पहिलो पटक शीर्ष स्थानमा उक्लिनुभएको हो । उहाँको १० हजार पाँच सय अङ्क रहेको छ । महासङ्घले जारी गरेको बरियताअनुसार जुनियरतर्फ दोस्रो बरियतामा मलेसियाका जस्टिन होह हुनुहुन्छ । उहाँको नौ हजार पाँच सय ९० अङ्क रहेको छ ।

यस पटक हामीले सुहाना शाही ठकुरीको हीरा शीर्षकको कथा प्रस्तुत गरेका छौँ । यो कथा वाचन लेखक सुहाना आफैँले गर्नुभएको हो । सानै उमेरमा सुन्दर कथा सिर्जना गरी सुमधुर वाचन समेत गरेर भिडियो तयार गरी पठाउनुभएकोमा बालप्रतिभा सुहाना, उनको विषय शिक्षक सविना तामाङ र सुदेशा स्कुल परिवारप्रति आभार व्यक्त गर्दछौँ । बालबालिकाको सिर्जना बालबालिकाले नि वाचन गरी तयार गर्नुभएका यस्ता रचनालाई केटाकेटी अनलाइनले विशेष प्राथमिकता दिने गरेको छ । बालबालिकाको सिर्जना बालबालिकाले नि वाचन गरी तयार गर्नुभएको यस्ता रचनालाई केटाकेटी अनलाइनले विशेष प्राथमिकता दिने गरेको छ । यस्ता सिर्जनशील प्रतिभाहरुको रचना हामीलाई पठाइदिनुहुन अनुरोध गर्दछौँ । हाम्रो इमेल ठेगाना ketaketionline@gmail.com हो ।

इजराइलले कोरोना विरुद्धको खोप अभियानलाई तीब्र रुपमा अघि बढाएकाले संक्रमण बढे पनि तत्काल लकडाउन वा कडा प्रतिबन्धात्मक व्यवस्था लागू नगर्ने रणनीति लिएको छ । विश्वका अन्य मुलुकमा बुस्टर डोज वा कोरोनाको तेस्रो मात्रा खोप दिने नदिने बारे बहस भइरहँदा इजराइलले अधिकांश नागरिकलाई तेस्रो मात्रा खोप लगाइसकेको छ । ओमिक्रोन संक्रमण व्यापक रुपमा बढिरहँदा इजराइलमा चौथो मात्रा खोप दिन थालि सकिएको छ ।

संयुक्त राष्ट्रसंघले अफगानिस्तानलाई सन् २०२२ मा मानवीय प्रकोप रोक्न र ४० वर्षको पीडा पछि भत्किएको देशको भविष्य निर्माणका लागि पाँच अर्ब डलर सहायता आवश्यक रहेको जनाएको छ । संयुक्त राष्ट्रसंघले अफगानिस्तान भित्र  ४.४ बिलियन डलर आवश्यक रहेको बताएको छ । थप ६२३ मिलियन आफ्नो सिमाना बाहिर आश्रयमा रहेका लाखौं अफगानहरूलाई सहयोग गर्न आवश्यक रहेको पनि उल्लेख गरेको छ ।