Author: Ketaketi Online

स्वास्थ्य तथा जनसङ्ख्या मन्त्रालयले कोभिड–१९ विरुद्धको खोपको थप एक अतिरिक्त मात्रा बुस्टर डोज अभियान कार्यक्रम स्थगित गरेको छ । मन्त्रालयका प्रवक्ता डा. सङ्गीता कौशल मिश्राले सबै नागरिकलाई कोरोना भाइरस विरुद्धको खोपको पूरा मात्रा लगाउनुपर्ने भएकोले अहिलेका लागि बुस्टर डोज खोप अभियान कार्यक्रम स्थगित गरिएको बताउनुभयो ।

पोखरामा अक्सिजन सिलिण्डर सहित स्वास्थ्य सामग्री वितरण गरिएको छ । आइएनएफ नेपालले पोखरा महानगरपालिका–२० लाई ‘कोभिडमा राहत सामाजिक क्षेत्रको साथ, परोपकारी मनले बढाउ सहयोगी हात’ भन्ने मूल नाराका साथ स्वास्थ्य सामग्री वितरण गरिएको हो ।

कोरोना भाइरस खोप लगाउँदा प्रयोग हुने सिरिन्ज मंगलबार नेपाल आइपुगेको छ । अमेरिकाबाट ६ लाख ६६ हजार खोपका लागि प्रयोग गरिने सिरिन्ज नेपाल ल्याइएको हो । अब सिरिन्ज अभावले रोकिएको बालबालिकाका लागि खोप लगाउने कार्यक्रम सञ्चालन गरिने भएको छ ।

सोनमा गाउँपालिकाले सोमबार सूचना जारी गरेर एक साता विद्यालय बन्द गराएको छ । त्यसैगरी मटिहानी नगरपालिकाले सूचना जारी गरी विद्यालय बन्द रहने जनाएको छ । आधारभूत तहका विद्यालयमा बालबालिकाको स्वास्थ्यलाई ख्याल गर्दै केही दिन विद्यालय बन्द गर्ने निधो गरिएको स्थानीय तहले जनाएका छन् । मौसममा सुधार आए पठन पाठन सञ्चालन गरिने सोनमा गाउँपालिकाका अध्यक्ष राजकुमार यादव बताउनुहुन्छ ।

प्राप्त समाचारअनुसार ती बालबालिकालाई नाइजेरियाको विद्रोहीहरुको संस्था बोको हरामका हतियारधारीहरुले अपहरण गरी लगेका थिए । ती बालबालिका अपहरणमा परेको सूचना पाएपछि प्रहरीले पिछा गरेको थियो ।
त्यस लगत्तै उनीहरुलाई भगाउँदै गरेका अवस्थामा प्रहरीले राजमार्गबाट अपहरणमुक्त गराएको हो । शनिबार अपहरणमुक्त गराएपछि प्रहरीले लगत्तै पत्रकार सम्मेलन गरेर सो विषयमा जानकारी दिएको हो ।

आदरणीय साहित्यकार गोविन्दबहादुर मल्ल गोठालेको जीवनी ।
लेखन : गोपाल पराजुली, वाचन : सुभद्रा ।
बालसाहित्य प्रतिष्ठान नेपालले गोठालेको स्मृतिमा गोठाले किशार साहित्य पाण्डुलिपि पुरस्कार पनि वितरण गर्दै आएको छ । यस पुरस्कारको अक्षय कोशका संस्थापक साहित्यकार एवम् समाजसेवी जलेश्वरी श्रेष्ठ हुनुहुन्छ ।
गोठाले किशोर साहित्य पाण्डुलिपि पुरस्कारबाट हालसम्म लक्ष्मी उप्रेती, महेश पौड्याल, अन्जना राजवंशी, राज सरगम र गंगा कर्माचार्य पौडेल पुरस्कृत भइसक्नुभएको बालसाहित्य प्रतिष्ठान नेपालका अध्यक्ष कार्तिकेयले बताउनुभएको छ । यस पुरस्कार नगद रु ११ हजार सहित प्रदान गरिँदै आइएको छ ।

नयनको ३ प्रश्न | कथा | पुनर्कथन : कार्तिकेय | वाचन : सरिता अर्याल (यो कथा लेखक कार्तिकेयले ममतामयी माता देवनायकी रामानुजदासी दुर्गादेवी घिमिरको सम्मानमा रचना गर्नुभएको हो ।)

यो शीला सैंजू शितलाद्वारा लिखित बालकथासंग्रह हो । यस कृतिमा छिरबिरे छाता र जुम्ल्याहा खरायोको भविष्य शीर्षकका दुई बालकथाहरु समावेश छन् ।
सिर्जना अभियान समाज भक्तपुरको संयोजनमा प्रकाशित यस कृतिका सम्पादक ध्रुव मधिकर्मी हुनुहुन्छ । यो २०७८ कार्तिकमा प्रकाशित कृति हो ।

भारतमा कोरोना भाइरसका संक्रमितको संख्या बढ्न थालेपछि सम्भावित महामारीको तेस्रो लहरबाट जोगिन केन्द्रीय राजधानी नयाँ दिल्लीमा तयारी थालिएको छ । यस अघि कोरोनाको दोस्रो लहरमा उपचार नै नपाएर धेरै नागरिकले ज्यान गुमाउनु परेको थियो । त्यसलाई मध्य नजर राख्दै यसपटक राजधानी दिल्ली र आसपासका क्षेत्रमा अक्सिजन सहितका ३७ हजारभन्दा बढी शैयाहरु तयारी अवस्थामा राखिएको छ ।
दिल्ली प्रदेशभित्र रहेका अक्सिजन सहितका कूल शैयामध्ये ०.२ प्रतिशत शैया मात्रै अहिले प्रयोगमा रहेका छन् । दिल्लीका मुख्यमन्त्री अरविन्द केजरीवालले दिनु भएको जानकारी अनुसार अक्सिजन सहितका कूल शैयामध्ये ८२ शैया मात्रै अहिले प्रयोगमा रहेका छन् ।