Category: मैले पढेको किताब

आदरणीय लेखक विजय चालिसेज्यूको उत्कृष्ट बालकथाकृति TOY GUN AND OTHER STORIES प्रकाशित भएको छ ।
अग्रज अनुवादक जयन्त शर्माको अनुवाद र आदरणीय प्रा.डा. गोविन्दराज भट्टराईको सम्पादनमा प्रकाशित यस कृतिमा २५ वटा बालकथाहरु समावेश छन् ।
यस कृतिको सम्पादनदेखि प्रकाशनको चरणसम्म म आफैँ र विजय चालिसेज्यूका सुपुत्र आलोक चालिसेजी पनि संलग्न हुनुभएकाले भन्न सक्छु नेपाली बालसाहित्यमा यो एउटा महत्वपूर्ण कृति हो । अंग्रेजी भाषामा नेपाली बालसाहित्य पढ्न चाहने बालबालिका र पढाउन चाहने विद्यालय परिवार र अभिभावकका लागि म यस कृति सिफारिस गर्दछु ।

निरञ्जन खत्रीको ‘दसैँ’ किताब नेपाली बालसाहित्यमा नयाँ स्वाद लिएर आएको छ । यो फरक किसिमको शब्दविहीन किताब हो । यो किताब हाम्रो सांस्कृतिक पर्व दसैँको विषयमा तयार गरिएको छ ।
दसैँसँग सम्बन्धित १५ वटा विषयमा समेटिएको यस किताबमा पाठक बालबालिकालाई आफ्नो दसैँ मनाउँदाको समयको स्मरण गर्दै त्यो समयलाई स्मरण गर्न र त्यो भावमा रमाउन अपिल गर्नु यस किताबको सुन्दर पक्ष हो ।

केही धार्मिक तथा सांस्कृतिक सम्पदाहरू किताब नेपालको इतिहास र संस्कृतिहरुको बारेमा लेखहरु प्रकाशित गर्ने महान् विद्वान स्व. सत्यमोहन जोशीद्वारा लिखित हो। किताबको प्रकाशक बालसाहित्य प्रतिष्ठान नेपाल हो। सत्यमोहन जोशीले हाम्रो देश नेपालको इतिहास र धार्मिक एवम् सांस्कृतिक सम्पदाहरुको बारेमा किताबहरू लेख्नुभएको छ । यो केही धार्मिक तथा सांस्कृतिक सम्पदाहरु नामक किताबमा नेपालका केही धार्मिक तथा सांस्कृतिक सम्पदाहरूको परिचय र तीनका सन्दर्भकथाहरु लेखिएको छ । यस किताबमा ६ धार्मिक तथा सांस्कृतिक सम्पदाहरूको बारेमा बताइएको छ । हरेक पाठको जानकारीसाथ समावेश गरिएका किम्बदन्ती कथाहरु रोचक छन् ।

यस वर्ष कलिङ्ग महोत्सवमा बालसाहित्य विधातर्फ प्रदान गरिएको नेपाल यशश्वी बुक अवार्डमा छलिङ (छलछाम, धाँधली) भएको सूचना प्राप्त भएको छ । बालसाहित्यको विश्वस्त स्रोतबाट यशस्वी प्रज्ञा प्रतिष्ठानबाट पुस्तक बुझाउन आव्हान गरेको सूचनासहित यस पटकको बालसाहित्य विधामा पुरस्कार वितरणमा धाँधली भएको भन्ने सामाचार स्रोतको दाबी अनुसार केटाकेटी अनलाइनले यस विषयमा अनुसन्धान गर्यो ।

रिजेन्ट रेसिडेन्सियल स्कुल, ललितपुर–२३, धापाखेलमा विद्यालयका बालबालिकासँग लेखक(Meet the Author with School Children) कार्यक्रम अन्तर्गत आज अमेरिकी लेखक जुलीसँग भेटघाट कार्यक्रम सम्पन्न भयो । कार्यक्रममा अमेरिकी लेखक जुलीको पहिलो प्रकाशित कृति ‘साथी’ बारे चर्चा गरिएको थियो ।
विद्यालयका प्रिन्सिपल नवराज सञ्जेलको सभापतित्वमा सम्पन्न कार्यक्रममा चर्चित बालनियात्राकृति ‘सम्पदा दर्शन’ का लेखक सुशीला देउजाले विशेष अतिथिका रूपमा बोल्दै ‘सम्पदा दर्शन’ कृतिलाई अत्यन्त मन पराइदिनुभएकोमा पाठकहरुलाई धन्यवाद व्यक्त गर्नु भएको थियो ।