अफगानिस्तानमा छात्राका लागि विद्यालय खुला गर्नुपर्ने माग गर्दै प्रदर्शन

अफगानिस्तानमा छात्रालाई पनि विद्यालयमा अध्ययन अध्यापनको व्यवस्था गर्नुपर्ने माग गर्दै प्रदर्शन गरिएको छ । अफगानिस्तानको राजधानी काबुलमा झण्डै दुई दर्जन महिलाहरुले “विद्यालय खोल” भन्ने माग गर्दै शनिबार प्रदर्शन गरेका हुन् । विद्यालयमा पढ्न, पढाउन पाउनु आफूहरूको आधारभूत अधिकार भएकाले विद्यालय जान पाउने व्यवस्था गर्नुपर्ने प्रदर्शनकारी महिलाहरूको माग छ ।

CONTINUE READING

श्रीलंकामा कागज किन्न नसक्दा परीक्षा नै रोकियो

आर्थिक अभावको सामना गरिरहेको श्रीलंकाले कागजको अभाव भएपछि विद्यालयका परीक्षा रद्द गरेको छ । श्रीलंकाले पश्चिमी प्रान्तमा सोमबारबाट सुरु हुने तय भएको परीक्षा कागज खरिद गर्न विदेशी मुद्रा नभएपछि अनिश्चितकालका लागि स्थगित भएको जनाइएको छ । 
श्रीलंकाली शिक्षा विभागले कक्षा ९, १० र ११ को राष्ट्रिय परीक्षा वर्षको अन्तिममा लिँदै आएका थिए । तर, यसपालि प्रश्नपत्र नै छाप्न नसकिने अवस्था आएपछि विद्यार्थीलाई परीक्षा नै नलिई अर्को कक्षामा बढुवा गर्ने तयारी गरिएको छ ।

CONTINUE READING

अब अफगानिस्तानमा बालिका पनि विद्यालयमा जान पाउने

अफगानिस्तानको तालिवान सरकारले छात्रालाई पनि विद्यालय जान दिने निर्णय गरेको छ । अफगानिस्तानमा तालिवान सत्तामा आएसँगै छात्रालाई अध्ययन अध्यापनका लागि शैक्षिक संस्था जान रोक लगाइएको थियो ।
तालिवान सरकारको महिला विरोधी नीतिको सर्वत्र आलोचना भएपछि उनीहरुले निर्णय फिर्ता लिएको बताइएको छ । आलोचना, आग्रह र दवावका कारण महिला अधिकारको पुनर्वहाली गर्ने तालिवान सरकारको निर्णयप्रति संयुक्त राष्ट्र सङ्घले धन्यवाद ज्ञापन गरेको छ ।

CONTINUE READING

अब रुसमा फेसबुक हेर्न नपाइने

युक्रेनविरुद्ध युद्ध गरिरहेको रुसले फेसबुक माथि प्रतिबन्ध लगाएको छ । रुसको संचार सम्बन्धी नियमनकारी निकायले रुसी मिडिया माथि लगाइएको प्रतिबन्धको प्रतिक्रियाका रुपमा फेसबुक माथि प्रतिबन्ध लगाइएको जनाइएको छ । सन् २०२० को अक्टोबर देखि नै फेसबुकले रुसी मिडिया माथि २६ प्रकारका विभेद गरेकाले प्रतिबन्ध लगाइएको जनाइएको छ । अब रुसमा फेसबुक हेर्न नपाइने भएकाे छ ।
सन् २०२० को अक्टोबर देखि नै फेसबुकले रुसी मिडिया माथि २६ प्रकारका विभेद गरेकाले प्रतिबन्ध लगाइएको हाे ।

CONTINUE READING

भियतनाममा अहिले सम्मकै उच्च संक्रमण

भियतनाममा कोरोना भाइरसबाट दैनिक सङ्क्रमित हुनेको सङ्ख्या अहिलेसम्मकै सबैभन्दा धेरै भएको छ । भियतनामका अधिकारीहरुले दिएको जानकारी अनुसार पछिल्लो २४ घण्टामा एक लाख १८ हजार ७९० जना कोरोना भाइरसबाट सङ्क्रमित भएका छन् । यो सङ्ख्या अघिल्लो दिनको भन्दा आठ हजार ४८९ ले बढी हो । देशभरिका ६२ ठाउँमा ती सङ्क्रमितहरू भेटिएका हुन् । ती मध्ये राजधानी हनोइमा मात्रै १८ हजार ६६१ जना भेटिएको मन्त्रालयले जनाएको छ ।

CONTINUE READING

रुसको आक्रमणपछि दस लाख शरणार्थीले युक्रेन छोडे

युक्रेनमा रुसको सैन्य कारबाही सुरु गरेको सात दिनको अवधिमा करिब १० लाख शरणार्थीले युक्रेन छोडेको संयुक्त राष्ट्र संघीय शरणार्थी एजेन्सी (UNHCR) ले जनाएको छ । आफ्नो ट्विटर ह्यान्डलमा UNHCR उच्चायुक्त फिलिपो ग्रान्डीले लेखेका छन् केवल सात दिनमा युक्रेनबाट छिमेकी देशहरूमा १० लाख शरणार्थीहरू पलायन बताउनु भएको छ ।  रुसी राष्ट्रपति भ्लादिमिर पुटिनले युक्रेनको डोनबास क्षेत्रमा सैन्य कारबाही गर्न आदेश दिएको आठ दिन बितिसकेको छ।

CONTINUE READING

रुस-युक्रेन युद्ध :  शान्तिवार्ता असफल

रुस र युक्रेन बिच युद्ध सुरु भएको पाँचौ दिनमा हिजो भएको वार्ता निष्कर्षमा नपुगेपछि रुसले आक्रमण कायमै राखेको छ । रुसी बख्तरबन्द गाडीहरूको करिब ४० माइल लामो लस्कर युक्रेनी राजधानी कीभतर्फ बढ्दै गरेको भूउपग्रह तस्वीरहरु सार्वजनिक भएका छन् । राजधानी किभमा फेरि रुसले हवाई आक्रमण गर्ने तयारी गरिरहेको खबर सहित शहरको बाहिरी भागमा साइरनहरु बज्न थालेकाले स्थिति थप नाजुक बनेको छ ।

CONTINUE READING

जापानद्वारा रुस र बेलारुस माथि प्रतिबन्ध लगाउने निर्णय

जापानले बेलारुसका राष्ट्रपति अलेक्जेन्डर लुकासेन्को र रुस माथि प्रतिबन्ध लगाउने घोषणा गरेको हो । मस्कोले युक्रेनमा गरेको आक्रमणलाई लिएर रुसको केन्द्रीय बैंकसँगको व्यापार सीमित गर्ने जापानी प्रधानमन्त्री फुमियो किशिदाले बताउनु भएको छ । युक्रेन माथि गरिएको आक्रमणमा बेलारुसको स्पष्ट संलग्नता देखिएकाले राष्ट्रपति लुकासेन्को, अन्य व्यक्ति तथा संस्थाहरू र निर्यात नियन्त्रण उपायहरू विरुद्ध प्रतिबन्ध लगाउने प्रधानमन्त्री किशिदाले बताउनु भएको हो ।

CONTINUE READING

रुसद्वारा युक्रेनमा आक्रमण

रुसी राष्ट्रपति भ्लादिमिर पुटिनले युक्रेनको डनबास क्षेत्रमा सैन्य कारवाहीको घोषणा गर्नुभएको छ । राष्ट्रपति पुटिनले युक्रेनी सेनालाई पूर्वी युक्रेनको युद्धग्रस्त क्षेत्रबाट हतियार विसाएर घर फर्कन पनि आग्रह गर्नुभएको छ । युक्रेनका राष्ट्रपति भोलोदिमेर जेलेनेस्कीले अहिले गरिएको आक्रमण युरोपेली महाद्धीपकै लागि ठूलो युद्धको सुरुवात भएको प्रतिक्रिया दिनुभएको छ । युद्धको त्रास बढेसँगै यसअघि नै युक्रेनले ३० दिने संकटकालको घोषणाको छ । मध्यराति राष्ट्रका नाममा संवोधन गर्दै युक्रेनी राष्ट्रपति जेलेनेस्कीले रुसको रुसी आक्रमणको डटेर सामना गर्ने बताउनु भएको छ ।

CONTINUE READING

बेलायतमा कोभिड प्रतिबन्ध हट्यो

बेलायतमा कोभिड रोकथामका लागि लगाएका सबै प्रतिबन्ध बिहीबारदेखि हटाइएको छ ।  बेलायती प्रधानमन्त्री बोरिस जोन्सनले आजैदेखि लागू हुने गरी कोरोनासँग सम्बन्धित सबै प्रतिबन्ध हटाउने बताउनु भएको हो । बेलायतले जनवरी देखि नै अनिवार्य मास्क लगाउने र सङ्क्रमण नियन्त्रणका लागि अपनाइएका कडा खालका प्रतिबन्धात्मक उपायहरूलाई अन्त्य गरिसकेको थियो ।
प्रधानमन्त्री बोरिस जोन्सनले गरेको नयाँ घोषणापछि बिहीबार देखि नै विद्यालय, कलेज तथा बाल हेरचाह संस्थाका कर्मचारीले हप्तामा दुईपटक कोरोना परीक्षण गराउनु पर्ने यस पहिलेको प्रावधान हट्ने छ भने कसैलाई कोभिड पुष्टि भएको भएपनि छुट्टै (एकान्त) मा बस्नु पर्ने छैन ।

CONTINUE READING