राष्ट्रिय टाइफाइड खोप अभियान सुरु

नेपाल सरकारले आजदेखि गाभी, युनिसेफ, विश्व स्वास्थ्य सङ्गठन र अन्य साझेदार संस्थाहरूसँगको सहकार्यमा राष्ट्रिय खोप कार्यक्रम अन्तर्गत टाइफाइड खोपको सुरुवात गरेको छ । वैशाख १८, २०७९ सम्म आयोजना हुने यस राष्ट्रिय टाइफाइड खोप अभियानले १५ महिनादेखि १५ वर्षमुनिका बालबालिकाहरूलाई लक्षित गरेको छ । अभियानको क्रममा टाइफाइड खोप देशभरिका ५० हजार भन्दा धेरै खोप केन्द्रमा उपलब्ध हुनेछ ।

CONTINUE READING

भ्याली भ्यु इङ्लिस स्कुलका विद्यार्थीलाई अन्तर्राष्ट्रिय पुरस्कार

सन् २०२२ को फेब्रुअरी १ तारिखदेखि छिमेकी देश चीनमा बाघ वर्ष सुरु भएको छ । त्यस अवसरमा चीनको निङपो सहरको पुस्तकालयले आयोजना गरेको अन्तर्राष्ट्रिय बाल चित्रकला प्रतियोगितामा नेपाल-चीन प्रतिष्ठानको आह्वानमा नेपालका ७ देखि १४ वर्ष उमेर समूहका विद्यार्थी भाइबहिनीहरूले भाग लिनुभएकोमा प्रतियोगितामा भ्याली भ्यु इङ्लिस स्कुलका सर्जक खतिवडाले आन्तर्राष्ट्रिय पुरस्कार पाउनुभएकाे छ ।

CONTINUE READING

भङ्गेरी डाँडामा रग्बी रङ्गशाला निर्माण गरिँदै

चाँगुनारायण नगरपालिका–७ भङ्गेरीडाँडामा रग्बी अन्तर्राष्ट्रिय रङ्गशाला निर्माण सुरु भएको छ । झण्डै १ सय ३५ रोपनी जग्गामा रु ५५ करोडको लागतमा सो रङ्गशाला निर्माण गर्न लागिएको हो । गुरुयोजना अनुसार रङ्गशाला निर्माण अघि बढाइएको जिल्ला खेलकुद विकास समितिका निवर्तमान अध्यक्ष एवं चाँगुनारायण उद्योग वाणिज्य सङ्घका अध्यक्ष श्रीभक्त कासिछ्वाले जानकारी दिनुभयो ।

CONTINUE READING

पोखरामा खुला प्याराग्लाइडिङ प्रतियोगिता सुरु भयाे

पोखरामा २० औँ नेपाल खुला प्याराग्लाइडिङ प्रतियोगिता सुरु भएको छ । प्याराग्लाइडिङ व्यवसायीको छाता संस्था नेपाल हवाई खेलकुद संस्था (ना)को आयोजनामा सो प्रतियोगिता शुरु भएको हो । पोखरा महानगरपालिका–१८ सराङकोटमा गण्डकी प्रदेशका प्रदेशसभा सदस्य राजीव पहारीले प्यारा पाइलट शिव थापालाई ग्लाइडर हस्तान्तरण गरेर प्रतियोगिताको उद्घाटन गर्नुभएको हो । सांसद पहारीले साहसिक पर्यटनका लागि उपयुक्त गन्तव्यका रुपमा रहेको जनाउँदै यस प्रतियोगिताले पोखरालाई साहसिक शहरको रुपमा चिनाउन थप सघाउ पुर्याउने विश्वास व्यक्त गर्नुभयो ।

CONTINUE READING

‘सम्पदा दर्शन’ का लेखकसँग विद्यालयका बालबालिका

बालसाहित्य प्रतिष्ठान नेपालद्वारा आयोजित मासिक कार्यक्रम विद्यालयका बालबालिकासँग लेखक अन्तर्गत २०७८ चैत महिनाका लागि आदरणीय लेखक नियात्राकार सुशीला देउजासँग विद्यालयका बालबालिकाहरुले अन्तरक्रिया गर्नुभयो । चाइल्ड केयर क्लब वुढानिलकण्ठ ४, काठमाडौँमा सम्पन्न कार्यक्रममा लेखक देउजाद्वारा लिखित कृतिहरु सम्पदा दर्शन (बालनियात्रा संग्रह) र चारुमतीको रहस्य (बालचित्रकथा) माथि बालबालिकासँग छलफल गरिएको थियो ।

CONTINUE READING

नेपालको आफ्नै रेलमा सरर

जयनगर–कुर्था रेल सेवा नियमित सञ्चालन सुरु भएसँगै स्थानीय जनता उत्साहित भएका छन् । भारतको नयाँ दिल्लीबाट चैत १९ गते शनिबार प्रधानमन्त्री शेरबहादुर देउवा र उहाँका भारतीय समकक्षी नरेन्द्र मोदीले रेल सेवाको शुभारम्भ गर्नुभएको थियो । आइतबार बिहान साडे ८ बजे हिँडेको रेल जनकपुर स्टेशनमा झण्डै सवा १० बजे आइपुगेको थियो । पहिलो दिन जयनगरबाट कुर्था र कुर्थाबाट जयनगरसम्म पुगेको रेलमा साधारण र एसी दुवैतर्फका डिब्बामा यात्रु भरिभराउ भएको नेपाल रेल्वे कम्पनीका महाप्रबन्धक नीरञ्जन झाले जानकारी दिनुभयो ।

CONTINUE READING

रोल्पाको नमूना विद्यालयमा उत्प्रेरणा कक्षा

शिक्षक सेवा आयोगको परीक्षाका कारण अधिकांश छिमेकी विद्यालयको पठनपाठन बन्द रहेका बेला रोल्पा सदरमुकाम लिवाङको पठनपाठन भने निरन्तर चलिरहेको छ । अधिकांश छिमेकी विद्यालय बन्द रहँदा पनि पठन पाठनलाई निरन्तरता दिने बालकल्याण नमूना माध्यमिक विद्यालयले नयाँ अवधारणा अघि सारेसँगै पठनपाठनले निरन्तरता पाएको हो । उक्त विद्यालयका प्रायः शिक्षक सेवा आयोगको परीक्षालाई जिल्ला बाहिर भए पनि विद्यार्थीको पठनपाठन भने प्रभावित भएको छैन । विद्यार्थीको पढाई प्रभावित नहोस् भनेर पठनपाठनमा वैकल्पिक सोच अघि सारेर पठनपाठनलाई निरन्तरता दिइएको बताइएको छ ।

CONTINUE READING

अनुभूतिमा कोभिड १९ कार्यक्रममा ६ जिल्लाका २०० बढी बालबालिका सहभागी

प्रयास नेपालसँगको सहकार्यमा बालसाहित्य प्रतिष्ठान नेपालद्वारा आयोजित ‘अनुभूतिमा कोभिड १९’ कथा/ चित्रकला लेखन कार्यक्रममा ६ जिल्लाका २०० बढी बालबालिकाहरु सहभागी हुनुभएको छ ।
विश्वविख्यात परीकथाकार हान्स क्रिश्चियन एन्डरसनको जन्मजयन्ती तथा अन्तर्राष्ट्रिय बालपुस्तक दिवसका अवसरमा भर्चुअल माध्यमबाट आयोजित यस कार्यक्रममा सिन्धुपाल्चोक, रामेछाप, धादिङ, ओखलढुङगा र काठमाडौँ गरी ६ जिल्लाका बालबालिकाहरुलाई सर्जक कार्तिकेय घिमिरेले सहजिकरण गर्नुभएको थियो ।

CONTINUE READING

राक्षसको कथासँग जोडिएको छ घोडेजात्रा पर्व मनाउनुको रहस्य

प्रत्येक वर्ष चैत्र कृष्ण औँसीका दिन मनाइने घोडेजात्रा पर्व आज धुमधामसँग मनाइयो । घोडेजात्राका अवसरमा नेपाली सेनाले आज टुँडिखेलमा अश्वकला, मोटरसाइकल खेल, शारीरिक व्यायाम, युद्धकलालगायत विविध कलाको प्रदर्शन गरेको थियो । किम्बदन्तीअनुसार घोडेजात्रा मनाउनुको रहस्य राक्षसको कथासँग जोडिएको छ ।
टुँडिखेलको पूर्व दिशामा रहेको एउटा रूखमा बास गर्ने गुरुमापा भन्ने राक्षसले शहरका बालबालिकालाई खाने गरेको थियो । त्यो राक्षसलाई उपत्यकावासीले जुक्ति लगाएर संहार गरे ।

CONTINUE READING

बाजुराकाे जिल्ला अस्पतालमा औषधिमा दश प्रतिशत छुट

सदरमुकाममा रहेको जिल्ला अस्पताल बाजुराले सञ्चालन गरेको फार्मेसीबाट औषधि किनेर लैजाने बिरामीलाई प्रत्येक औषधिमा पर्ने मूल्यको दश प्रतिशत छुट दिइने भएको छ । अस्पतालले चैत १७ गतेदेखि लागू हुने गरी अस्पतालमा उपचाररत र उपचार गर्न आएका बिरामीलाई औषधिमा दश प्रतिशत छुट दिने निर्णय गरेको हो । अस्पतालमा हाल ७० प्रकारका औषधि निःशुल्क पाइने र त्यसबाहेका औषधि किन्दा १० प्रतिशत छुट गर्ने निर्णय गरिएको जानकारी दिइयो ।

CONTINUE READING