Category: समाचार

१३ वर्षीय बालगायक सचिन परियारको निधन भएको छ । परियारको आज महाराजगञ्जको शिक्षण अस्पतालमा निधन भएको सचिनका बुबा तेजेन्द्र परियारले जानकारी दिनुभएको छ ।
सचिनको विगत एक वर्षदेखि नै कम्मरभन्दा मुनिको भाग राम्रोसँग चल्दैनथ्यो । अस्पतालले निमाेनियाकाे कारण सचिनकाे ज्यान गएकाे जनाएकाे छ ।

काभ्रे, १४ पुस/ पनौती नगर पालिका वडा नं. ५ श्रीखण्डपुर स्थित एसओएस हर्मन माइनर विद्यालयद्वारा २०८१ पुस १४ गतेबाट वार्षिक रूपमा सञ्चालन हुने खेलकुद सप्ताह कार्यक्रमको शुभारम्भ भयो । एसओएस बालग्राम काभ्रेका निर्देशक तुल्सीरत्न छुँजको सभापतित्वमा सम्पन्न कार्यक्रममा प्रमुख अतिथिको रूपमा पनौती नगरपालिकाका मेयर रामशरण भण्डारी हुनुहुन्थ्यो । उक्त कार्यक्रममा स्वागत मन्तव्य विद्यालयका प्राचार्य नरेश्वर […]

बालसाहित्य प्रतिष्ठान नेपालबाट भाग १ र केटाकेटी मिडियाबाट भाग २ प्रकाशित लोकप्रिय कृति ‘सम्पदा दर्शन’ (बालनियात्रा) का लेखक सुशीला देउजा सहित चार जना अग्रज लेखकहरू नेबासास (नेपाल बालसाहित्य समाज) द्वारा पुरस्कृत हुनुहुने भएको छ ।

निरञ्जन खत्रीको ‘दसैँ’ किताब नेपाली बालसाहित्यमा नयाँ स्वाद लिएर आएको छ । यो फरक किसिमको शब्दविहीन किताब हो । यो किताब हाम्रो सांस्कृतिक पर्व दसैँको विषयमा तयार गरिएको छ ।
दसैँसँग सम्बन्धित १५ वटा विषयमा समेटिएको यस किताबमा पाठक बालबालिकालाई आफ्नो दसैँ मनाउँदाको समयको स्मरण गर्दै त्यो समयलाई स्मरण गर्न र त्यो भावमा रमाउन अपिल गर्नु यस किताबको सुन्दर पक्ष हो ।

चन्द्रागिरि नगरपालिकाले आगामी साउन १ गतेदेखि नगरभित्रका बालबालिकाका लागि बाल बचत योजना सुरु गर्दै छ । नगरपालिकाले आफ्नो पालिकाभित्रका सबै बालबालिकाको नाममा रु ५ हजार सङ्कलन गरिदिनेछ । नगरभित्रका बालबालिकाको शैक्षिक, आर्थिक एवं सामाजिक सुरक्षाका लागि नगरपालिकाले पहिलोपटक यस्तो कार्यक्रम कार्यान्वयनमा ल्याउन लागेको हो । स्थायी बसोबास गरेका नगरवासीका सन्ततीका नाममा मुद्दति खाता खोलिदिई सो रकम सङ्कलन गरिदिने नीति नगरपालिकाले लिएको हो । यसका लागि बालबालिकाको जन्मदर्ता अनिवार्य गरिएको छ ।

बालश्रमिक प्रयोग गर्ने १५ वटा उद्योग प्रतिष्ठान तथा रोजगारदातालाई कारबाही गरिएको छ । बालबालिकालाई श्रमिकका रुपमा काममा लगाउने ती उद्योग तथा प्रतिष्ठानलाई श्रम तथा रोजगार कार्यालय हेटौडाले कारवाही गरेको हो । चालु आर्थिक वर्ष २०८०/८१ को १० महिनाको अवधिमा गरिएको अनुगमनका क्रममा बालबालिकालाई श्रमिकका रूपमा काममा लगाउने १५ प्रतिष्ठान तथा रोजगारदातामाथि कारबाही गरिएको कार्यालयका प्रमुख छन्दनारायण श्रेष्ठले जानकारी दिनुभयो ।