Category: किशोर साहित्य

आदरणीय लेखक उन्नती बोहरा शिलाद्वारा लिखित यो गीत उहाँले आँखा नदेख्ने दृष्टिविहीन बालबालिकालाई समर्पण गरी रचना गर्नुभएको हो । यस गीतमा सुमधुर स्वर दिनुहुने प्रतिभाशाली युवा गायिका सरिता अर्याल र वरिष्ठ संगीतकार रमेश सुवेदी दुवै जना दृष्टिविहीन कलाकार हुनुहुन्छ । बालसाहित्य प्रतिष्ठान नेपालले तयार गरेको ‘मेरो आवाज’ नामक गीति अल्बममा यो गीत समावेश रहेको छ ।

मञ्चमा एउटा जून र अर्को तारा बनेका बालक र बालिका उभिरहेका हुन्छन् । जूनको टाउकोमा टिलिक्क टल्कने जून टोपी छ । त्यस्तै ताराको टाउकोमा पनि टिलिक्क टल्केको तारा टोपी सजिएको छ ।
ठिक त्यतिबेला ६ जना बालबालिकाहरू मञ्चमा आइपुग्छन् । स्टेज मञ्चको पृष्ठभूमि भित्तामा आकाशको दृश्य छ ।