Category: समाचार

फ्रान्समा कोरोनाको दैनिक संक्रमण युरोपकै सबैभन्दा उच्च देखिएको छ । पछिल्लो २४ घन्टामा मात्रै फ्रान्समा १ लाख ८० को हाराहारीमा नयाँ संक्रमित थपिएका छन् ।

इजरायलले ५५ देशको यात्रा प्रतिबन्ध फुकुवा गर्ने स्वास्थ्य मन्त्रालयले मंगलबार जनाएको छ । मन्त्रिपरिषद् र संसदीय समितिको स्वीकृतिपछि बिहीबारदेखि लागू हुने गरी सो सहजीकरण हुने मन्त्रालयले जनाएको छ ।

गए रातिदेखि लगातार परेको पानीका कारण जाजरकोट, रुकुम पश्चिम र डोल्पाको जनजीवन प्रभावित भएको छ । उपल्लो डोल्पा, जाजरकोटको बारेकोट र रुकुम पश्चिमको आठबीसकोट नगरपालिकाको उच्च भागमा हिमपात जारी छ ।

राजधानीका प्रमुख पर्यटकीयस्थल चन्द्रागिरि, फुलचोकी लगायतका डाँडामा आज बिहानदेखि हिमपात सुरु भएको छ । रातिदेखि परेको वर्षासँगै आज बिहानैदेखि हिमपात सुरु भएको हो ।

त्रिभुवन राजपथ अन्तर्गत् पर्ने मकवानपुर जिल्लाको सिम भञ्ज्याङ र अघोरमा हिउँ पर्नाले हेटौँडा–काठमाडौँतर्फको यातायात सेवा आज बिहानैदेखि अवरुद्ध भएको छ ।

म्याग्दीको रघुगङ्गा गाउँपालिका–८ स्थित रितुङ माविलाई स्थानीयवासी भीमबहादुर  छन्त्यालले रु एक लाख सहयोग गर्नुभएको छ ।

डिसेम्बर ३० मा सञ्चालनमा आउने दुईवटा नयाँ मेट्रो लाइनहरू सँगै चीनको शाङ्घाईको मेट्रो नेटवर्कको कुल लम्बाई ८३१ किलोमिटर पुग्ने छ ।

अमेरिकामा कोरोना भाइरसबाट सङ्क्रमित भएका व्यक्तिका लागि ‘आइसोलेसन’ को समय आधा कम गरिएको छ । सेन्टर फर डिजिज कन्ट्रोल (सीडीसी) ले सोमबार नयाँ निर्देशिका जारी गर्दै लक्षण विहीन संक्रमितका लागि आइसोलेसनको समय १० दिनबाट घटाएर पाँच दिन बनाएको हो ।

नेपाल बालविवाह हुने देशमध्ये उच्च जोखिममा रहेको, नेपाल सरकारले सन् २०३० सम्म बालविवाह अन्त्य गर्न राष्ट्रिय रणनीति बनाई कार्यान्वयनमा समेत ल्याएको छ ।