जमुनीको छोरो

अडियो / भिडियो गीत साहित्य

मेरो गाउँ ज्यामिरे

जमुनीको छोरो म

काले भन्छन् मलाई

तर मान्छे गोरो म

सबै पढ्न गएछन्

जान्नेसुन्ने भएछन्

म त अझै गोठमा

छैन हाँसो ओठमा

किनकिन मन यो

दुखेदुखे जस्तो छ

यो ज्यामिरे गाउँमा

कुरो मात्र सस्तो छ

सबै भन्छन् मलाई

स्कुल किन नगाको

कसैले नि बुझेनन्

कापी कलम नभाको

मेरो सानो गोठ नै

मेरो सानो स्कुल

गोबरका अक्षर

पढ्न लेख्न मुस्किल ।

  • रामबाबु सुवेदी

Leave a Reply

Your email address will not be published.