बालविवाह मुक्त गाउँ घोषणा

राष्ट्रिय समाचार

डोटी, ३ पुस (रासस)/ डोटीको दिपायल सिलगढी नगरपालिका– ८ लडागडाको बेड गाँउलाई जिल्लाकै पहिलो बालविवाह मुक्त गाँउ घोषणा गरिएको छ । गुड नेवर्स इन्टरनेशनल नेपालको सहयोग तथा सामुदायिक विकास केन्द्रको पहलमा वडाध्यक्ष रामबहादुर खड्काले गाँउलाई बालविवाह मुक्त टोल घोषणा गर्नु भएको हो । सो वडा यसअघि जिल्लामा सबैभन्दा बढी बालविवाह हुने वडाका रुपमा परिचित थियो ।

अबका केही दिनमा अन्य गाउँमा पनि बालविवाह मुक्त घोषणा गर्न अहिले प्रत्येक गाउँ टोलबाट पहल गर्न थालिएको केन्द्रका सूचना अधिकारी एकराज बडुले जानकारी दिनुभयो । नेपाल सरकारले बाल विवाह अन्त्यका लागि राष्ट्रिय रणनीति, २०७२ पारित गरी आगामी सन् २०३० सम्म नेपालबाट बाल विवाह अन्त्य गर्ने लक्ष्य लिएकामा अहिले ‘विहावारी २० वर्ष पारी’ नारालाई सार्थक बनाउन थालिएको छ । बालविवाह न्युनीकरणका लागि कार्यक्रम अघि बढाइरहेको गुड नेवर्सका जिल्ला संयोजक रन्जित चौधरीले बताउनुभयो ।

Leave a Reply

Your email address will not be published.