भारतमा अझै पाएनन् १२ देखि १४ वर्षका बालबालिकाले कोभिड खोप

अन्तर्राष्टिय समाचार

भारतको संघीय स्वास्थ्य मन्त्रालयले १२–१४ वर्ष उमेर समूहका बालबालिकाको लागि कोभिड–१९ खोप सम्बन्धी हालसम्म कुनै निर्णय लिइ नसकिएको जनाएको छ । भारतले १५–१८ वर्षको उमेर समूहमा कोभाक्सिन खोपको ३.५ करोडभन्दा बढी पहिलो मात्रा समावेश गरेको हुनाले यस उमेर समूहका लागि खोप अभियानको पहिलो चरण यस महिनाको अन्तसम्म पूरा हुने आशा गरिएको छ । तर, १२–१४ वर्ष उमेर समूहका बालबालिकाको खोप कहिलेदेखि लगाउने भन्नेबारे भने कुनै आधिकारिक निर्णय भइसकेको छैन ।

विज्ञहरुका अनुसार १५–१८ वर्ष उमेर समूहका किशोर किशोरीहरू खोप प्रक्रियामा सक्रिय रूपमा सहभागी भइरहेका छन् । सोमबार संघका स्वास्थ्य मन्त्री मनसुख मण्डलाले १५ देखि १८ वर्ष उमेर समूहका सबै किशोर किशोरीलाई सरकारको खोप अभियानमा उल्लेख्य सहभागिता जनाएकोमा धन्यवाद दिनुभएको छ ।

प्रधानमन्त्री नरेन्द्र मोदीले गत डिसेम्बर २५ मा घोषणा गरेपछि त्यहाँ २०२२ जनवरी ३ देखि १५–१८ वर्षका बालबालिकालाई खोप लगाउन थालिएको थियो । खोप लगाउने अहिलेको रफ्तार हेर्दा भारतले आगामी मार्चमा १२–१४ वर्ष उमेर समूहका बालबालिकाहरूलाई कोभिडको खोप लगाउन सुरू गर्नसक्छ  ।

Leave a Reply

Your email address will not be published.