दक्षिण भारतीय सिनेमाका सुपर स्टार नायक महेशबाबुकी छोरी सीताराले आफ्नो ११ औं जन्मदिनका अवसरमा वेसहारा मानिसहरुलाई सहयोग गर्न एक करोड रुपियाँ दान गर्नु भएको छ ।
मूलत दक्षिण भारतमा अत्यन्त लोकप्रिय यी बाल कलाकार हालसालै एउटा प्रसिद्ध ज्वेलरी कम्पनीको सद्भावना दूत समेत बन्नुभएको छ ।
सानै उमेरमा दान गर्नेमा रेकर्ड बनाउन सफल सीताराले आफूले विभिन्न कामबाट आर्जन गरेको रकम दान गरेको कुरा बताउनुभएको फ्रिप्रेस जर्नलको समाचारमा उल्लेख गरिएको छ ।
११ वर्षीय दयालु बालिका सीताराकी आमा नम्रता पनि चर्चित अभिनेत्री हुनुहुन्छ । उहाँले बलिउडका सुपर स्टार नायक सञ्जय दत्तको सुपर हिट सिनेमा ‘वास्तव’ मा मुख्य अभिनेत्रीको भूमिकामा उत्कृष्ट अभिनय गरी पुरस्कारहरु पनि जित्नुभएको थियो ।
जुलाइ २० मा जन्मदिन मनाउनुभएकी प्रतिभाशाली बालकलाकार सीतारालाई केटाकेटी अनलाइन बालपत्रिकाको तर्फबाट पनि धेरैधेरै शुभकामना ।
