काठमाडौँ, फागुन २/ आजबाट सुरु भएको १५ औँ बालनाटक महोत्सवको उद्घाटन समारोहमा बालसाहित्य रत्न शान्तदासको स्मृतिमा स्थापित ‘शान्तदास स्मृति सम्मान २०८०’ बाट भक्तपुर इङ्लिस स्कुल, भक्तपुरका प्राचार्य शिक्षासेवी भक्त राजभण्डारीलाई सम्मानित गरिएको छ ।
विगत चार दशकभन्दा लामो समयदेखि शिक्षा सेवाका क्षेत्रमा संलग्न वरिष्ठ शिक्षासेवी राजभण्डारीले विद्यालयको स्थापना समयदेखि नै शान्तदास मानन्धरको लेखनमा रहेका बालसाहित्य प्रकाशनहरु विद्यार्थी माझमा प्रवर्धन गरी सहयोग गर्दै आउनुभएको थियो ।
शैली थिएटरद्धारा आयोजित १५ औँ बालनाटक महोत्सव फागुन सात गतेसम्म जारी रहने छ । सात दिनमा प्रतियोगी २७ र अप्रतियोगी एक गरी जम्मा २८ वटा नाटक मञ्चन हुने आयोजक शैली थिएटरका अध्यक्ष नवराज बुढाथोकीले बताउनु भएको छ ।
