Author: Ketaketi Online

भियतनामलेले २० देशमा हुने हवाई उडान फेरि खुल्ला गरेको छ । कोरोना भाइरसको महामारीका कारण बन्द गरिएको उडान सेवा महामारी कम भएपछि पुनः संचालन गर्न लागिएको अधिकारीहरूले जनाएका हुन् । उडान खुल्ला गरिएका देशहरूमा अष्ट्रेलिया, चीन, जापान, दक्षिण कोरिया, सिङ्गापुर, फ्रान्स, जर्मनी, रुस, अमेरिका लगायतका रहेका छन् । भियतनामको यातायात मन्त्रालय मातहतको यातायात विभागका निर्देशक त्रान बायो इन्गोकले अरु सात देशमा भने अझै पनि उडान खुल्ला नगरिएको जानकारी दिनुभयो ।

जहाँ सत्य, न्याय र शान्ति हुन्छ, त्यहाँ नै असली प्रजातन्त्र हुन्छ ।

भाइबहिनीहरु, याे रमाइलाे बालकथा सुनेर प्रजातन्त्रबारे थप केही विचारहरु जान्नुहाेस् न है । याे कथा प्रजातन्त्रबारे छलफल गर्न र विचार निर्माण गर्न रचना गरिएकाे हाे । यस कथाले यहाँहरुलाइ प्रजातन्त्रबारे थप जानकारी लिन उत्सुक बनाउनेछ भन्ने विश्वास लिएका छाैँ ।

चीनमा स्थानीय स्तरका ४० जना कोरोना भाइरसका संक्रमित भेटिएका छन् । यहाँका अधिकारीहरुले सो कुराको जानकारी दिएका हुन् । प्राप्त समाचारअनुसार बिहीबार चीनका ग्वाङदोन, जान्सु, युनान लगायतका शहरहरुमा ती संत्रमित भेटिएका हुन् । चीनिया नेसनल हेल्थ कमिसनले सो कुराको जानकारी दिएको हो । तीमध्ये कतिपय नागरिकहरु बाहिरबाट आएका पनि रहेका छन् । सांघाइमा देशबाहिरबाट आएका केही संक्रमितहरु फेला परेका पनि अधिकारीहरुले जानकारी दिएका छन् ।

२००७ साल फागुन ७ गते एकतन्त्रीय राणा शासन अन्त्य भई नेपालमा प्रजातन्त्र स्थापना भएको दिनको स्मरणमा प्रत्येक वर्ष फागुन ७ गते प्रजातन्त्र दिवस मनाइन्छ । प्रजातन्त्र प्राप्तिका लागि नेपाली जनताले लामो समयदेखि गरेको संघर्ष र सहिदको बलिदानले सफलता पाएको दिन भएकाले पनि फागुन ७ गतेको विशेष महत्व रहेको छ । वि सं १९९७ सालमा चार शहिद धर्मभक्त माथेमा, शुक्रराज शास्त्री, दशरथ चन्द र गंगालाल श्रेष्ठलाई प्रजातन्त्रको पक्षमा आवाज मुखरित गरेकै कारण मृत्युदण्ड दिइएको थियो ।
राणा विरोधी आन्दोलनलाई सक्रियापूर्वक अघि बढाउन देशभित्र र बाहिर राजनीतिक पार्टीहरु संगठित हुन थाले । यसैबिच, तत्कालीन राष्ट्रिय काँग्रेस र प्रजापरिषद्को नेतृत्वमा देशव्यापी आन्दोलन सुरु भयो ।

बेलायतको उत्तरी आयरल्याण्डमा स्थानीय समय अनुसार शुक्रबार युनिस नामक आँधी आइपुग्ने भन्दै चेतावनी दिइएको छ । मौसमविद्हरुले हिमपात, बरफ र तीब्र गतिको हावाहुरी एक साथ आउन सक्ने भएकाले सुरक्षित स्थानमा रहन नागरिकहरुलाई चेतावनी दिएका हुन् । आयरल्याण्डका धेरैजसो काउन्टीहरुमा स्कुल तथा कलेजहरु बन्द गरिएका छन् । आयरल्याण्डका कोर्क, केरी, वाटरफोर्ड र क्येयर शहर आँधीको बढी खतरामा रहेको भन्दै सो क्षेत्रमा रेड अलर्ट जारी गरिएको छ ।