Category: समाचार

राष्ट्रिय परीक्षा बोर्ड परीक्षा नियन्त्रण कार्यालय कक्षा १० ले सालको माध्यमिक शिक्षा परीक्षा (एसईई) को सम्पूर्ण तयारी सकिएको जनाएको छ । चैत १५ गतेदेखि सुरु भई २७ गते सञ्चालन हुने परीक्षाका लागि बोर्डले देशभर दुई हजार ५७ परीक्षा केन्द्र निर्धारण गरिएको बोर्डका अध्यक्ष डा. महाश्रम शर्माले जानकारी दिनुभएको छ । उहाँका अनुसार यस वर्ष देशभरबाट करिब पाँच लाख विद्यार्थी एसईई परीक्षामा सहभागी हुनेछन्। यस वर्ष पनि जापानमा एउटा परीक्षा केन्द्र कायम नै रहेको छ। गत वर्ष दुई हजार ३७ परीक्षा केन्द्र थिए । यस वर्ष २० वटा थपिएका छन् ।

‘अ ह्याप्पी माउथ इज अ ह्याप्पी बडी’ अर्थात् मुख स्वस्थ भए शरीर पनि चङ्गा हुन्छ भन्ने नाराका साथ आज विश्व मुख स्वास्थ्य दिवस मनाइँदै छ । स्वस्थ मुख उचित पाचनका लागि आवश्यक छ ।  सर्वोत्कृष्ट पोषणका लागि यसले खानालाई मिहिन बनाउन मात्र सघाउँदै स्वस्थ मुस्कान र आत्मसम्मान जोगाउन पनि मद्दत गर्छ । यो नाराले प्रवाह गर्ने सन्देश यही भएको दन्तचिकित्सकहरू बताउँछन् । मुख स्वस्थ भयो भने सम्पूर्ण शरीर नै नीरोगी रहन्छ । मुख स्वस्थ हुँदा हामी बोल्न, चपाउन र मुस्कुराउन सक्छौँ । आज मार्च २०, संसारभर विविध चेतनामूलक कार्यक्रमका साथ विश्व मुख स्वास्थ्य दिवस मनाइँदै छ ।

सर्वोच्च अदालतले बालबालिकासँग सम्बन्धित मुद्दा हेर्न यसै आर्थिक वर्षभित्र छुट्टै बाल अदालत गठन गर्न सरकारका नाममा परमादेशको आदेश जारी गरेको छ । सर्वोच्चले दिएको यो आदेश पहिलो भने होइन । कानुनी व्यवस्था भएको तीन दशकभन्दा बढी समय बितिसक्दा पनि बाल अदालत गठन नगरिनु भनेको जिम्मेवारी र सुशासनको अभाव भएको अदालतको व्याख्या छ ।
न्यायाधीशहरू अनिलकुमार सिन्हा र तिलप्रसाद श्रेष्ठको संयुक्त इजलासले २०८० असोज ७ मा गरेको फैसलाको पूर्ण पाठ शुक्रबार सार्वजनिक भएको छ । सर्वोच्चले पटकपटक दिँदै आएका आदेश, फैसला कार्यान्वयन हुन नसकेकोमा पनि टिप्पणीसहित व्याख्या गरेको छ ।

बालसाहित्य रत्न शान्तदासमा समर्पित नयाँ बालगीत सार्वजनिक भएको छ। ‘शान्तदास’ बोलको यस बालगीतमा शान्तदासको योगदानबारे चर्चा गरिएको छ । वरिष्ठ बालसाहित्यलेखक रामबाबु सुवेदीले रचना गर्नुभएको यस बालगीतमा सुविन सेन्चुरीको संगीत र सुप्रिम मल्लको स्वर रहेको छ। कोरसमा अन्य बालकलाकारले पनि साथ दिनुभएको छ ।

यस वर्ष महाेत्सवकाे पहिलाे दिन फागुन २ गते बालसाहित्य रत्न शान्तदास मानन्धरकाे स्मरण गर्दै उहाँकाे स्मृतिमा यसै वर्षबाट स्थापित ‘बालसाहित्य रत्न शान्तदास स्मृति सम्मान’ शिक्षासेवी भक्त राजभण्डारीलाई प्रदान गरिएको थियो । शान्तदास शैली थिएटरका सल्लाहकार पनि हुनुहुन्थ्याे ।
उक्त प्रतियोगिताको समापन समाराेहको प्रमुख अतिथ्य वरिष्ठ रङ्गकर्मी अशेष मल्लले गर्नुभएको थियो ।

आजबाट सुरु भएको १५ औँ बालनाटक महोत्सवको उद्घाटन समारोहमा बालसाहित्य रत्न शान्तदासको स्मृतिमा स्थापित शान्तदास स्मृति सम्मान २०८० बाट भक्तपुर इङ्लिस स्कुल, भक्तपुरका प्राचार्य शिक्षासेवी भक्त राजभण्डारीलाई सम्मानित गरिएको छ ।
विगत चार दशकभन्दा लामो समयदेखि शिक्षा सेवाका क्षेत्रमा संलग्न वरिष्ठ शिक्षासेवी राजभण्डारीले विद्यालयको स्थापना समयदेखि नै शान्तदास मानन्धरको लेखनमा

रिजेन्ट आवासीय स्कुल, धापाखेल, ललितपुरद्वारा आयोजित अन्तरविद्यालय रोबोटिक्स प्रतियोगिता कुरुक्षेत्रमा विभिन्न विद्यालय पुरस्कृत भएका छन् । आज रिजेन्ट स्कुलका प्रिन्सिपल नवराज सन्जेलको सभापतित्वमा आयोजित समापन समारोहमा स्मार्ट सिटी अवधारणा प्रदर्शनी एवम् रोबोटिक्स प्रतियोगितामा विजयी बालबालिकालाई पूर्व सांसद माननीय नवराज सिलवालले पुरस्कार वितरण गर्नुभयो ।
यस प्रतियोगितामा रोबो वार (भिडन्त) मा मदर्स कास्टल स्कुल विजयी र बालकुन्ज इङ्लिस सेकेन्डरी स्कुल फस्ट रनर अप भयो । यस्तै लाइन फलोइङमा रिजेन्ट स्कुल विजयी र फस्ट रनर अप निर्मल विकास एकेडेमीले प्राप्त गर्न सफल भयो ।

रिजेन्ट आवासीय स्कुलमा अन्तरविद्यालय रोबोटिक्स प्रतियोगिता आजबाट सुरु भएको छ । २७ गते शनिवार विद्यार्थीहरुले तयार गर्नुभएका उपकरणहरुको प्रदर्शनी र प्रतियोगिताको नतिजा घोषणा गरिने आयोजक विद्यालय रिजेन्ट स्कुलका प्रिन्सिपल नवराज सन्जेलले बताउनुभएको छ ।
कुरुक्षेत्र अन्तरविद्यालय रोबोटिक्स प्रतियोगिता नामक यस प्रतियोगितामा १५ वटा विद्यालका बालबालिकाहरुले भाग लिनुभएको छ ।

अन्तर्राष्ट्रिय नेपाली साहित्य समाज अनेसासका महासचिव तथा बाल साहित्य लेखक विमला निरौलाको यात्रामा देश बालकविता संग्रहको लोकार्पण गरिएको छ ।
साहित्यकार तथा समाजसेवी सुश्री भद्रा घलेको प्रमुख आतिथ्यतामा भएको उक्त कार्यक्रमको सभापतित्व अनेसास, नेपाल च्याप्टरका अध्यक्ष राजेन्द्र केसीेले गर्नुभएकाे थियाे ।