Category: Highlights

‘आइतबार विहानै…’, ‘मेरो गाउँ ज्यामिरे, जामुनीको छोरो म…’, ‘हिमालमा हिउँ तराइमा तोरी नेपालका हामी प्यारा छोराछोरी…’ आदि जस्ता चर्चित गीत मैले सानैदेखि सुनेकी थिएँ । ती गीत सुन्दा मेरा मनमा यति मिठा गीत कसले लेख्नुभएको होला भन्ने जिज्ञासा जाग्रित भएको थियो । यति राम्रा गीत रामबाबु सुवेदीले लेख्नुभएको हो भन्ने कुरा मैले अलिपछि मात्र थाहा     पाएँ । त्यसपछि उहाँलाई भेट्ने र कुराकानी गर्ने इच्छा जाग्यो । त्यो इच्छा २०८० असार २४ गते आइतबारका दिन पूरा भयो । यही भेटघाटमा मैले रामबाबु सुवेदीसँग मिठा मिठा कुरा गर्न पाएँ । यो वातावरण मिलाइदिनुहुने केटाकेटी अनलाइन बालपत्रिकाका सम्पादक कार्तिकेय घिमिरे र अमूल्य समय तथा ज्ञान दिनुहुने रामबाबु सुवेदीलाई धेरै धेरै धन्यवाद !

आज स्वस्तीश्री गुरुकुल आइबी वल्र्ड स्कुल, सानो भर्‍याङ, काठमाडौँको प्राङ्गणमा केटाकेटी अनलाइन वर्षका कान्छा चित्रकार पुरस्कार कलाकार आश्रिति श्रेष्ठलाई र केटाकेटी अनलाइन वर्षका उत्कृष्ट बालसाहित्य लेखक पुरस्कार २०२१ सर्जक सुशीला देउजालाई प्रदान गरिएको छ ।
स्वस्तीश्री स्कुलका निर्देशक मीना महर्जनको प्रमुख आतिथ्यितामा सम्पन्न कार्यक्रममा उक्त विद्यालयमा कक्षा ६ मा अध्ययनरत छात्रा आश्रिति श्रेष्ठलाई नगद रु पन्ध्र हजार र सम्मान पत्र सहित पुरस्कृत गरिएको थियो ।

विद्यालयको खाजा खाने घण्टी बज्यो । कक्षा चारका बिद्यार्थीहरूलाई गृह–कार्य लेखिदिएर किरण सर कक्षा–कोठाबाट बाहिर निस्कनुभयो ।

नेपाल बाल साहित्य समाजद्वारा हरेक वर्ष प्रदान गरिँदै आइएको जयपृथ्वी बालप्रतिभा पुरस्कारबाट यस वर्ष दुई जना बालप्रतिभाहरु पुरस्कृत हुनुहुने भएको छ । यस वर्ष प्रदान गरिने जयपृथ्वी बालप्रतिभा पुरस्कार (चित्र) आश्रिती श्रेष्ठ र जयपृथ्वी बालप्रतिभा पुरस्कार (साहित्य) समर्पण न्यौपाने लाई प्रदान गरिने निर्णय गरिएको समाचार प्राप्त भएको छ। चित्रकलातर्फ पुरस्कृत बालप्रतिभा आश्रिति स्वस्ती श्री गुरुकुल स्कुल, सानो भर्याङ, काठमाडौँमा कक्षा छ मा र साहित्यतर्फ पुरस्कृत बालप्रतिभा न्यौपाने ज्ञानदीप शिक्षा सदन, हेटौँंडामा कक्षा १० मा अध्ययनरत रहनुभएको छ ।

भाइबहिनीहरु, बजारमा नयाँ बालपत्रिका आएको छ । यो बालपत्रिकाको नाम लालपाते हो । यस पत्रिकाका प्रधान सम्पादक विमलकृष्ण श्रेष्ठ (आदरणीय कवि विमल निभा) भन्नुहुन्छ, “लालपातेलाई लालुपाते पनि भनिन्छ । यसको नामले नै थाहा हुन्छ, यसमा लाल रङको पात हुन्छ । लाल रङ कसलाई मन पर्दैन ? असलमा ‘लालपाते’ सबैलाई प्यारो लाग्ने लाल रङको फूल हो । त्यसैले हामीले लालपाते अघि ल्याएका हौँ । बालपत्रिका ‘लालपाते’ । ”

ललितपुर- २३ धापाखेलमा अवस्थित विगत १३ वर्षदेखि स्तरीय शिक्षा प्रदान गर्दै आएको रिजेन्ट रेसिडेन्सियल स्कुल र केटाकेटी मिडिया (केटाकेटी अनलाइन बालपत्रिका) बिच बालबालिकाको सिर्जनात्मक लेखन क्षमताकाे विकासका लागि सहकार्य गर्ने सहमति भएको छ ।
आज रिजेन्ट रेसिडेन्सियल स्कुल, धापाखेल, ललितपुरमा भएको सहमति पत्रमा रिजेन्ट स्कुलका प्रधानाध्यापक नवराज सञ्जेल र केटाकेटी अनलाइन बालपत्रिकाका सम्पादक कार्तिकेय घिमिरेले हस्ताक्षर गर्नुभएको छ ।

नवसर्जक साहित्य चौतारी नेपालका वरिष्ठ उपाध्यक्ष एवम् प्रतिभाशाली बालकवि विभूति अधिकारीको ‘अर्जुनदृष्टि’ नामक कविता सङ्ग्रह एक विशेष समारोहका बिच विमोचन भएको छ । याे बालकवि अधिकारीको दाेस्राे किताब हाे ।
नेपाली छन्द कविताको प्रवर्धनकाे अभियानमा लागिरहेको संस्था छन्द तरङ्गद्वारा आयोजित कार्यक्रम नवसर्जक साहित्य चौतारी नेपाल, ऐरावती प्रकाशन र एम्बिसन एकेडेमीकाे सहकार्यमा पद्मोदय माध्यमिक विद्यालय, काठमाडौँको सभाहलमा सम्पन्न भएको थियाे ।

क्वालिटी इङ्गलिस सेकेन्डरी स्कुल, चाँगुनारायण–६, नगरकोट फेदी, भक्तपुरले आफ्नो २५ औं स्थापना दिवस अभिभावक, विद्यार्थी र शिक्षककेन्द्रित गतिविधिहरू सञ्चालन गरेर मनाउँदै आएको छ । सोही क्रममा मिति २०८० श्रावण ५ गते, शुक्रबारका दिन ‘पढाउनलाई पढौं’ र हस्तलेखन प्रशिक्षण कार्यक्रम सम्पन्न गरेको छ । विद्यालयमा शिक्षणरत सम्पूर्ण शिक्षकहरूको प्रभावकारी शिक्षण हेतू आयोजित उक्त कार्यक्रमहरू नगरकोटस्थित होटल हिमालयन ग्लासियरको सभाहलमा सम्पन्न भएको थियो ।

क ख ग घ ए बी सी डी लेख्ने बानी राम्रो
रिसाउने, कराउने, रुने बानी नराम्रो ।
खाजा खाने बानी राम्रो, भोकै बस्ने नराम्रो ।
कोची कोची खाने बानीचाहिँ नराम्रो ।१।

दक्षिण भारतीय सिनेमाका सुपर स्टार नायक महेशबाबुकी छोरी सीताराले आफ्नो ११ औं जन्मदिनका अवसरमा वेसहारा मानिसहरुलाई सहयोग गर्न एक करोड रुपियाँ दान गर्नु भएको छ ।
मूलत दक्षिण भारतमा अत्यन्त लोकप्रिय यी बाल कलाकार हालसालै एउटा प्रसिद्ध ज्वेलरी कम्पनीको सद्भावना दूत समेत बन्नुभएको छ ।