Category: Highlights

कवि, कथाकार एवम् समालाेचक महेश पाैड्यालद्वारा अल्पायुमै बितेका पुत्ररत्नकाे नाममा स्थापित ‘पराक्रम बालप्रतिभा पुरस्कार’ बाट वर्ष २०७८ का लागि तामाकोशी गाउँपालिका, च्यामाहावा दोलखाकी एलिशा फुयाल र २०७९ का लागि केपिलासगढी गाउँपालिका, बाक्सिला, खोटाङका योगेश राईलाई पुरस्कृत गर्ने निर्णय गरिएको छ ।
यस पुरस्कारलाई व्यवस्थापन गरिरहेको पर्वतीय साहित्य समाज नेपालका अध्यक्ष साहित्यकार प्रतीक ढकालको अध्यक्षतामा शुक्रबार काठमाडौँमा बसेको प्रतिभा छनोट समितिको बैठकले याे निर्णय गरेकाे हाे ।

रातो बंगला स्कुल र रातो बंगला किताबले आयोजना गर्दै आएकाे बालसाहित्य महोत्सव यस वर्ष यही फागुन २० गते आयोजना गरिने भएकाे छ । याे महाेत्सव सन् २०१५ देखि आयोजना गर्न शुरु गरिएको हो । रातो बंगला स्कुलको प्राङ्गणभित्र आयोजना गरिने यस महोत्सवमा भाग लिन चाहने दर्शकले जनाही रु. २०० रुपियाँ शुल्क तिर्नुपर्ने महोत्सवका संयोजक मोनिता गुरुङले बताउनुभएको छ ।

विभिन्न क्षेत्र र समुदायका विविध भेषभूषामा सजिएका बालबालिकाहरुकाे प्रस्तुति हेर्दा लाग्थ्याे हिजाे फागुन १३ गते शनिवार रिजेन्ट स्कुलकाे उत्सवमा पूरै नेपाल देश सजिएकाे थियाे । नेपाल देशकाे सांस्कृतिक पहिचान बोलिरहेको थियाे । हो, यो भिडियो तिनै विविधता भित्र समेटिएकाे नेपाली एकताको साक्षी हो । जहाँ बालबालिकाहरुले फरकफरक भेषभूषामा फरकफरक विविध स्वादका नृत्यहरु प्रस्तुत गर्नुभएको थियाे ।

हजाराैँलाई आँखाको उपचार गरी ज्योति प्रदान गर्नुहुने आँखा रोग विशेषज्ञ डाक्टर सन्दूक रुइतको जीवनी यस अंकमा हामीले प्रस्तुत गरेका छौँ । उहाँ आँखा चिकित्सकका रुपमा विश्वमै चर्चित व्यक्तित्व हुनुहुन्छ ।

भाइबहिनीहरु, श्री गोपाल पराजुली बालबालिकाका लागि जीवनी लेखन विधामा स्थापित वरिष्ठ बालसाहित्यलेखक हुनुहुन्छ । उहाँका एक दर्जन बढी कृतिहरु प्रकाशित छन् । नेपाली बालसाहित्यमा सुपरिचित लेखक पराजुलीले राष्ट्रिय बालसाहित्य पुरस्कार, बालहितकारी पुरस्कार, शिशु सेवा राष्ट्रिय पुरस्कार, मनोरमा जफा राष्ट्रिय बालसाहित्य पुरस्कार (बालसाहित्य प्रतिष्ठान नेपालबाट), दैवज्ञराज न्यौपाने बालसाहित्य पुरस्कार लगायत विशिष्ट सम्मान र पुरस्कारहरु प्राप्त गर्नुभएको छ ।

अपाङ्गता भएका बालबालिकाको परीक्षाा लिने प्रणालीमा सुधारकाे आवश्यता छ । यसमा सुधार गरिनुपर्छ किनकी याे सुधार नहुँदा बालअधिकार हनन् भइरहेकाे छ । यही महत्वपूर्ण विषयमा सराेकारवलाकाेआवाजलाई यहाँ प्रस्तुत गरिएकाे छ । श्री दयाराम महर्जन अपाङ्गता भएका बालबालिकाको स्राेत शिक्षक पनि हुनुहुन्छ । उहाँले अपाङ्गता सेवा केन्द्र, बुङ्गमती ललितपुरका अध्यक्षका रुपमा कार्यरत रही लामाे समयदेखि यस क्षेत्रमा काम गर्दै आउनुभएकाे छ ।

यस वर्षको युद्धप्रसाद स्मृति पुरस्कार वरिष्ठ बालसाहित्यकार एवं शिक्षासेवी शान्तदास मानन्धरलाई प्रदान गरिएको छ । युद्धप्रसाद मिश्र स्मृति प्रतिष्ठानने आयोजना गरेको ३३औ युद्धप्रसाद मिश्र स्मृति दिवसका अवसरमा सम्मान तथा पुरस्कार वितरण गरिएको हो ।
साहित्यकार मानन्धरलाई ३१ हजार नगदसहित सो पुरस्कार प्रदान गरी सम्मान गरिएको हो । कार्यक्रममा प्रगतिवादी गणतन्त्रवादी कवि युद्ध्रप्रसाद मिश्रले पञ्चायती तानाशाही व्यवस्थामा पनि कविताको माध्यमबाट गणतन्त्र ल्याउनुपर्छ भनी नेतृत्व गर्नुभएको कुरा बताइएको थियो ।

हाम्रो नेपाली सेनाले एकैपटक पाँच सय ५५ वटा नेपाली मौलिक बाजा मादल बजाएर विश्व कीर्तिमान कायम गरेको छ ।  महाशिवरात्रि तथा सेना दिवसका अवसरमा २०७९ फागुन ६ गते सैनिक मञ्च टुँडिखेलमा आयोजित समारोहमा प्रधानसेनापति प्रभुराम शर्मालाई सेनाले मादलमा कायम गरेको कीर्तिमानको प्रमाणपत्र वर्ल्ड बुक अफ रेकर्ड्सका नेपाल प्रतिनिधिले हस्तान्तरण गर्नुभयो ।

उत्तर कोरियाली नेता किम जङ उनसँगै देखिएकी बालिका संसारभरि चर्चाको शिखरमा छिन् । यी बालिका उत्तर कोरियाका शक्तिशाली नेता किम जङ उनकी छोरी हुन् । उनी एक सातामा दोस्रो पटक सार्वजनिक रुपमा देखा परेकी हुन् । सार्वजनिक रुपमा बिरलै मात्रै नेता किमका परिवारका सदस्य देखिने गरेका छन् । त्यसले कतै उनी उत्तराधिकारी त हुने हैनन् भनेर अनुमान गरिएको छ ।

ललितपुर नख्खुदोबाटोस्थित सुदेशा स्कुलमा ‘सम्पदा दर्शन’ भाग १ र २ पढाउन सुरु गरिएको छ । ‘सम्पदा दर्शन’ लेखक सुशीला देउजाद्वारा लिखित चर्चित बालनियात्राकृति हो । ‘सम्पदा दर्शन’ भाग १ मा विश्वसम्पदा सूचीमा रहेका नेपालका सम्पदा क्षेत्रहरु र भाग २ मा सात प्रदेशका सात वटा सम्पदा क्षेत्रहरु भ्रमणको अनुभूति समेटिएको छ ।
सरल भाषा र संवादमय रोचक शैलीमा तयार गरिएका यी दुवै कृति कक्षा ५ र ६ मा अध्ययनरत बालबालिकाहरुका लागि सन्दर्भ पाठ्यसामग्रीका रुपमा छनोट गरी पढाउन सुरु गरिएकाे प्रिन्सिपल वीरङ्गना महर्जनले बताउनुभयो ।