Category: Highlights

सरकारले ५८ औं राष्ट्रिय बाल दिवसको नारा ‘बालमैत्री समाजको आधारः जिम्मेवार परिवार, उत्तरदायी समाज’ तय गरेको छ । वर्षेनी भदौ २९ गते मनाइँदै आएको बाल दिवसका लागि महिला, बालबालिका तथा ज्येष्ठ नागरिक मन्त्रालयले बालमैत्री अवधाराणालाई महत्व दिँदै सो नारा तय गरेको महिला विकास अधिकृत कमला दाहालले जानकारी दिनुभयो ।

क्वालिटी अंग्रेजी स्कुलमा भक्तपुरमा ‘विद्यालयका बालबालिकासँग लेखक’ भेटघाट तथा स्रष्टा सम्मान कार्यक्रम हिजाे साेमवार सम्पन्न भएको छ ।
विद्यालयका प्रिन्सिपल जी.बी. खड्काको सभापतित्वमा सम्पन्न कार्यक्रममा ‘सम्पदा दर्शन’ बालनियात्रा कृतिका लेखक सुशीला देउजालाई सम्मान गरिएको छ ।
क्वालिटी अंग्रेजी स्कुलको कक्षा ९ र १० मा यस वर्षबाट पढाई हुँदै आएको ‘सम्पदा दर्शन’ कृतिका लेखकलाई प्रत्यक्ष भेटघाट गरी छलफल गर्नपाउँदा विद्यार्थीहरु उत्साहित हुनुभएकाे थियाे ।

भारतीय बालसाहित्य लेखक डाक्टर आनन्द पाटिल कर्नाटक भारतमा बस्नुहुन्छ । उहाँ बालसाहित्य प्रतिष्ठान नेपालका शुभचिन्तक आदरणीय अग्रज व्यक्तित्व हुनुहुन्छ । उहाँ भारतको राष्ट्रिय रेडियो संचार अल इण्डिया रेडियोमा स्टेशन निर्देशक भई हाल अवकाशको जीवन विताइरहनुभएको छ । आदरणीय लेखक पाटिल विगत ३० वर्षदेखि बालसाहित्यको क्षेत्रमा कार्यरत हुनुहुन्छ । उहाँले बालबालिकाका लागि कविता, कथा र उपन्यासहरु रचना गर्नुभएको छ । उहाँ मूलत कन्नड भाषामा लेख्नुहुन्छ । कन्नड भाषामा उहाँका थुप्रै कृतिहरु प्रकाशित छन् ।

यस अडियाे बालकथा वाचन सरिता अर्यालले गर्नु भएकाे हाे ।

यस अडियाे बालकथा वाचन सरिता अर्यालले गर्नु भएकाे हाे ।

अभिभावक तथा हेरालुले शारीरिक र शाब्दिक दुवै भाषा बाट अन्तरक्रिया गर्नुपर्छ, जसले गर्दा उनीहरूले सुन्न, बुझ्न, छिट्टै बोल्न र ठूलासँग सम्बन्ध विकास गर्न सक्छन् । बालबालिकाले प्रारम्भिक उमेरमा धेरै भाषा सिक्न सक्ने विभिन्न अनुसन्धानले देखाएको छ, तर यसमध्ये गर्भावस्था देखि सुनेको भाषामा अन्तरक्रिया गर्दा उनीहरूको प्रारम्भिक सिकाइ प्रभावकारी हुने र आफ्नो भाषा समेत दोश्रो पुस्तामा हस्तान्तरण हुन्छ । बालबालिकासँग उनीहरूको विकासात्मक अवस्था अनुरूप कुराकानी गर्नुपर्छ ।

व्यास नगरपालिकाले निःशुल्क शिक्षा दिन व्यास नगरपालिका–७ सेराटारस्थित क्यामिन कोट प्राथामिक विद्यालयमा ‘व्यास नगर समता विद्यालय’ सञ्चालन गर्ने भएको छ । नगरपालिकाभित्र माध्यमिक तहसम्मको शिक्षा लिन कठिनाइ परेका अनाथ, असहाय, विपन्न, शहीद, बेपत्ता, कोरोनाबाट मृत्यु भएका घर परिवारका बालबालिकालाई शिक्षा प्रदान गर्ने उद्देश्यले विद्यालय सञ्चालन गर्न लागिएको बताइएकाे छ ।

पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा पहिलो पटक मृगौला प्रत्यारोपण गरिएको छ । कास्कीको अन्नपूर्ण गाउँपालिकाकी ५३ वर्षीया महिलामा बिहीबार उहाँका श्रीमानको मिर्गौला प्रत्यारोपण गरिएको हो । विशेषज्ञ चिकित्सक टोलीले चार घण्टा लगाएर प्रत्यारोपण गरेका थिए । अस्पतालले दुवै जनाको नाम गोप्य राखेको छ । शहीद धर्मभक्त राष्ट्रिय प्रत्यारोपण केन्द्र भक्तपुर र प्रतिष्ठानको सहकार्यमा पहिलो पटक प्रत्यारोपण सम्पन्न भएको प्रतिष्ठानका कार्यकारी निर्देशक प्रा.डा.भरतबहादुर खत्रीले बताउनुभयो ।

नेपाल ओलम्पिक कमिटीले पहिलोपटक उत्कृष्ट पुरुष तथा महिला खेलाडीलाई पुरस्कृत गरेको छ । यसरी पुरस्कृत हुने उत्कृष्ट पुरुष खेलाडी ब्याडमिन्टनका प्रिन्स दाहाल र उत्कृष्ट महिला खेलाडी पौडीकी गौरिका सिंह रहेका छन् । उनीहरुलाई एनओसी अवार्ड २०२२ बाट सम्मानित गरिएको हो ।
ओलम्पिक दिवसका अवसरमा सो अवार्ड कार्यक्रम गरिएको हो । पछिल्लो तीन वर्षमा नेपाली खेलकुदमा पुर्‍याएको योगदानका लागि उनीहरूलाई अवार्ड प्रदान गरिएको हो । गौरिका हाल बेलायतमा रहेकाले कार्यक्रममा उपस्थित भइनन् ।

सरकारले असार ९ गतेबाट पाँच वर्षदेखि १२ वर्ष मुनिका करिब ३९ लाख बालबालिकालाई कोरोना विरुद्धको खोप अभियान सुरु गरेको छ । सरकारले सो उमेर समूहका बालबालिकालाई दुइ चरणमा खोप अभियान सञ्चालन गरेको हो ।
स्वास्थ्य तथा जनसंख्या मन्त्रालयका अनुसार पहिलो चरणमा २७ वटा जिल्लामा असार ९ गतेदेखि १५ गतेसम्म खोप अभियान सञ्चालन गरिनेछ ।
जस अनुसार प्रदेश एकमा झापा, इलाम, सुनसरी, मोरङ गरी चार, मधेस प्रदेशमा सप्तरी, सिराह, धनुषा, महोत्तरी, पर्सा गरी पाँच जिल्ला रहेका छन् ।