गुजी पाएँ ! – बूँद राना

गजल साहित्य

अँधेरीमा गुजी हुन्छ भन्नुहुन्थ्यो बज्यैले

के हो गुजी ? कस्तो हुन्छ ? नदेखेको मैले

आज फेरि भन्नु भयो सम्झाउँदै राती

‘आँटीमाथि गुजी छ त्यहाँ नजानू है नाति !’

गुजी हेर्ने रहर थियो नदेखेको कैल्यै

एक टुक्रा दियालोको झोसें आगो मैले

चुपचाप चोर-चाल आँटीमाथि पुगें

सोलीभरि सेल देखी बल्ल कुरा बुझें,

यौटा सेल टिपी दौडी बज्यैछेउ आएँ

हाँस्तै भनें- ‘इ बज्यै ! मैले गुजी पाएँ !’

Leave a Reply

Your email address will not be published.