Category: समाचार

रास्ट्रिय निजी तथा आवासीय बिद्यालय एसोसिएसन नेपाल नेसनल प्याब्सन बागमती प्रदेशद्वारा आयोजित अन्तरजिल्ला प्रदेशस्तरीय वक्तृत्वकला प्रतियोगितामा मदरल्याण्ड स्कुल, भक्तपुरकी प्रशंसा कार्की प्रथम र लोकनृत्य प्रतियोगितामा पनि भक्तपुरकै पारागन एकेडेमी स्कुलको लोकनृत्य समूह प्रथम भई विजयी भएको छ ।

भक्तपुर बुक क्लवको आयोजनामा माघ ५, ६ र ७ गतेसम्म तीन दिने “स्टुडेण्ट बुक फेयर” थुसाचा (जगाति र च्याम्हासिंहको बिच) महेश्वरी बैंक्वेटमा हुने भएको छ ।

पठन संस्कृतिलाई बढावा दिने उद्देश्य बमोजिम स्थापित यस क्लबले मासिक रुपमा अन्तिम शुक्रबार पुस्तकसँग सम्बन्धित लेखक तथा पुस्तकको बारेमा पाठकबीच अन्तरसंवाद कार्यक्रम गर्दै आइरहेको छ ।

नेशनल प्याब्सन भक्तपुरको आयोजनामा अन्तरविद्यालय लोक नृत्य प्रतियोगिता सम्पन्न भयो । नेशनल प्याब्सनका केन्द्रीय सह-कोषाध्यक्ष बिक्रम ढुकुछुको प्रमुख आतिथ्यतामा सम्पन्न जिल्ला स्तरीय लोक नृत्य प्रतियोगितामा प्यारागन एकेडेमी विजयी भएको छ । प्यारागनको नेवारी धिमे नृत्य प्रथम हुँदा इडेन गार्डेन स्कुलको खलो नृत्य (माझी समुदायको पितृ उद्धार गर्ने) द्वितीय भएका थियो भने मदरल्याण्ड स्कुलको संगीनी नृत्य तृतीय भएको थियो । त्यस्तै एसएस सदनले सान्त्वना पुरस्कार हात पारेका थियो।

नेशनल प्याब्सन भक्तपुरद्वारा आयोजित जिल्लास्तरीय अन्तर विद्यालय वक्तृत्वकला प्रतियोगितामा मदरल्याण्ड स्कुलकी छात्रा प्रशंसा कार्कीले प्रथम स्थान प्राप्त गरी बागमती प्रदेश स्तरीय प्रतियोगिताको लागि छनोट हुनुभएको छ ।
इडेन गार्डेन स्कुलका छात्राहरु सदीक्षा बुढा दाेस्राे र सुप्रिया श्रेष्ठले तेस्राे स्थान प्राप्त गर्न सफल हुनुभएको यस कार्यक्रममा पारागन एकेडेमीका छात्र एन्जल खड्काले सान्त्वना पुरस्कार प्राप्त गर्नुभएको छ ।

इप्सन (निजी विद्यालयहरुकाे समूह) भक्तपुरको बोर्ड कार्यक्रम अन्तर्गत आज सूर्योदय सेकेण्डरी स्कुलको आयोजनामा सम्पन्न भएको अन्तर विद्यालय चित्रकला प्रतियाेगितामा मदरल्याण्ड स्कुलकी एज्जश्वी प्रजापतिले प्रथम पुरस्कार जित्नुभएको छ ! द्वितीय स्थानमा सूर्योदय सेकेण्डरी स्कुलका यूनिक कर्माचार्य, तृतीय स्थानमा सेन्ट जोन्स स्कुलका निश्चल तामागं र सान्त्वना पुरस्कार ग्लोबल एकेडेमीको आशिस् त्वाँतीले हात पार्न सफल हुनुभएको छ !